Lep
From Wikipedia, the free encyclopedia
Remove ads
Lep (latin.: Alnus) om lehtezpuiden i penzhiden heim, mülütadas Koivunvuiččed-sugukundha. Heim kogoneb läz nell'kümnes erikospäi i niiden kümnes gibridaspäi.
Remove ads
Leviganduz
Heimon erikod kazdas Pohjoižen mapoliškon venos vönes tobjimalaz, suvemb — mägiden pautkil vaiše.
Ümbrikirjutand
Lepan elonform voib vajehtadas kazvandan sijha kacten. Lehtesed čereduišoiš, ned oma ünäižed i varzil.
Änikoičeb kevädel, erased-se mererandaližed erikod — redukus-tal'vkus. Tullei pölüstoitab kazmusid. Pord pölüstoitandan i sugutandan keskes sase 85 päiväd, ka semned küpsnedas redukule.
Kävutand
Kävutadas pumaterialaks, varhapandas haugoid. Ištutadas dekorativižeks kazmuseks. Ottas käbuid i lehtesid zelläks. Kor' kävutase dubimha nahkoid. Sadas mustad, rusttad i pakušt sauvondmujuid.
Lep paremboičeb mahust, ka semetas kaivuztegimišton samižen jändusil. Aigaline medenkandai kazmuz.
Valitud erikod
- Alnus cordata — Südäimenvuitte lep, vai Italine lep (järed pu)
- Alnus firma — Kova lep
- Alnus glutinosa — Must lep (heimon tipine erik i kaikiš enamba levitadud Venämas erik)
- Alnus hirsuta — Karvakaz lep
- Alnus incana — Hahk lep
- Alnus maritima — Mererandaline lep
- Alnus orientalis — Päivnouzmaine lep (pen' pu)
- Alnus rhombifolia — Romblehtesine lep
- Alnus rubra — Rusked lep
- Alnus viridis — Vihand lep (Keskevropan mäged, Sibir', Pohjoižamerik)
Remove ads
Lepha sidodud vepsän tärtused
- Lepišt, lepšom — lepaine mec.
- Roug, rougad — lepan kor' mujutamha kanghid.
Lepha sidodud vepsän muštatišed
- Lepaižes kandospäi lepaine barbaine-ki kazvab.
- Oli aigaine, ei pidand kurgesine aidaine, a tuli aigaine, pidab lepän barbaine.
Kacu mugažo
- Lepač
Homaičendad
Wikiwand - on
Seamless Wikipedia browsing. On steroids.
Remove ads