Nevan rajon

Nevan rajon (ven.: Невский район) om rajon Piterin päivnouzmas. Nece om üks'jäine rajon, kudamb sijadase Nevan molembil randoil.

Nevan rajon Piterin kartal

Istorii

Rajonan aluz om pandud Šlissel'burgan tarh-ezilidnan sijas vn 1917 keväz'kus-semendkus nügüdläiženke nimenke. Vozil 1920−1948 nimitihe Volodarskijan rajon:aks. Vl 1950 Ribackoje-žilo om mülütadud rajonha Leningradan agjaspäi.

Geografijan andmused

Nevan rajonan pind — 61,79 nellikkilometrad.

Röunatab nenidenke rajonidenke:

• Piterin Krasnogvardeiskii-rajon om pohjoižes,
• Leningradan agjan Vsevoložskan rajon levigandeb päivnouzmas,
• Piterin Kolpinon rajon om suves,
• Piterin Frunzen rajon om päivlaskmas,
• Piterin Keskuzrajon sijadase lodehes.

Seičeme metrostancijad ratas kahtel jonol rajonan territorijal. Koume sildad ühtenzoittas Nevan randoid: Sur' Obuhovskii sild (om saudud Piterin i Leningradan agjan röunal), Volodarskii-sild i Finländskii-raudtesild.

Rajon jagase ühesaks nimitadud municipaližeks ümbrikoks (ende nomerad 49..57): Nevan zastav (ven.: Невская застава), Ivanovskii, Obuhovskii, Ribackoje, Rahvahaline (Народный), nomer 54, Nevskii, Okkervil', Oigedrandaline (Правобережный).

Eläjad

Vn 2010 Venäman rahvahanlugemižen mödhe eläjiden lugu oli 466 013 ristitud. Kaik 546 475 ristitud elihe rajonas vl 2021. Kaikiš suremb ristitišt om nügüd'.

Rajonan administracijan pämez' om Aleksei Gul'čuk vn 2017 kezakuspäi.

Galerei

• 
  Rajonan tobmuden sauvuz Ivanovskii-ümbrikos (2016)
• 
  Pühän Petr-apostolan jumalanpert', vn 2017 nägu
• 
  Obuhovon terasenvalamižen tegimen administrativine sauvuz vl 2016
• 
  Jäine pert'kulu (2019)
• 
  Piterin meren tehnine kolledž vl 2015

Irdkosketused

• Nevan rajonan lehtpoled Piterin tobmuden portalal (gov.spb.ru). (ven.) (angl.)
• Nevan rajonan uzištused i aigtegod (nevnews.ru). (ven.)