Olivanpu

Olivanpu (latin.: Olea europaea), mugažo Evropine olivanpu, om subtropižen vönen igähižvihand kul'turine pu. Se om Olivanpu-heimon tipine erik, mülütadas Olivanpuižed-sugukundha.

? Olivanpu
Olivanpun sarik Kipral
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Magnoliopsida) Kund: Lamiales Sugukund: Olivanpuižed (Oleaceae) Heim: Olivanpu (heim) (Olea) Erik: Olivanpu
Latinankel'ne nimi
Olea europaea L., 1753
Areal
Olea europaea subsp. europaea      Olea europaea subsp. laperrinei      Olea europaea subsp. cerasiformis      Olea europaea subsp. guanchica      Olea europaea subsp. maroccana ▲ Introduciruidud erik
Sistematik Vikierikoiš Kuvad Vikiaitas ITIS 32990 NCBI 4146

Kul'tiviruidud maižanduzkazmuz amussai. Mectunu alaerik nimitase Olea europaea var. sylvestris. Libub Keskmeren suvipäivnouzmaižes randištospäi. Om levitadud Keskmeren randan maiš, mugažo kazdas mail'madme (Amerikas vspäi 1560). Kazvatadas ploduihe näht, södas niid i sadas puvoid.

Plod om lumarj, küpsneb nelläs-vides kus änikoičendan jäl'ghe. Küps plod oleleb vihandan, mustan i muzaruskedsinižen mujun, vahan kerthenke paksus. Pu andab ploduid kaks'kümnevoččes igäspäi, kerdan kahtes vodes. Lehtesen unotez normalizuib veren painust i hengaidust. Olivanpud oma avaronke jurusenke, azotadas mahusen erozijad, hüväd meliorantad.

Olivanpuhu sidodud vepsän tärtuz

• Oigeta olivanpun veza — tarita kožundad.