Osmanan imperii

Osmanan imperii (osman.: دولت عالیه عثمانیه‎ Devlet-i Alijje-i Osmanijje), vai Ottomanan imperii, oli valdkund Azijan päivlaskmas vozil 1299−1922, mugažo Afrikan pohjoižes i Evropan suvipäivnouzmas pit'kan aigan. Osmanan dinastii ohjasti 623 vot rattemata, 27. heinku 1299 — 2. kül'mku 1922, sid' tühjitihe monarhijad i tedotihe Turkanman Tazovaldkundad.

Osmanan imperii
دولت عالیه عثمانیه‎
Devlet-i Alijje-i Osmanijje

Tehtud	1299
Hajenu	1922
Valdkundznam	Flag
Pälidn	Sögüt (1299−1329). Burs (1329−1365). Adrianopol' (1365−1453). Konstantinopol' (1453−1922)
Eläjiden lugu (1683)	30 mln ristitud
Pind	5,200,000 km²
Kel'	persijan (17. voz'sadan lophusai) osmanan (18. voz'sadaspäi)
Ohjanduzform	monarhii
Pämehen titul	sultan
Jäl'gmäine pämez'	Mehmed VI
Dinastii	Osmanad
Religii	islam (sunnitad)
Valüt	akče. kuruš (piastr) i osmanan lir

Valdkund oli sätud turkoil-osmanoil Osman Gazi-udž-bejan ohjandusenke Anatolijan pol'saren lodehes Konjan sultanatan čihodamižen jäl'ghe. Kändihe imperijaks-sultanataks Vizantijan da sen Konstantinopol'-pälidnan murendusen jäl'ghe vl 1453. Se azj sai voimust otta Evropan paloid edemba, Balkanan pol'saren irdpolel, i Osmanine imperii oti niid, mi om tärged nügüdläižen Turkanman täht. Osmanan imperii sai kilt Ezmäižes mail'man sodas i allekirjuti Lozannan kožundaktad.

Imperii sai ičeze valatoitusen päd 16.-17. voz'sadoil. Mülüti 32 agjad i äiluguižid rippujid valdkundoid 17. voz'sadan augotišel, möhemba anasti niid vai andoi avtonomijad.