Phen'jan

Phen'jan (Phönjan, Pjongjan) vai Pčönnän (kor.: 평양 / 平壤 Pyŏngyang [pʰjʌŋjaŋ] «avar ma», «kodikaz tahond») om KRDT:n pälidn, kaikiš järedamb lidn da kul'turkeskuz.

Phen'jan
평양 / 平壤
(Pyŏngyang)

Valdkund	Korejan Rahvahaliž-Demokratine Tazovaldkund
Eläjiden lugu (2017)	3,222,000 ristitud
Pind	1,747,7 km²
Telefonkod	+850−2xxx-xxxx
Aigvö	UTC+9

Lidnan kart (2012)

Istorii

Legendan mödhe, eländpunktan aluz om pandud vl 2334 EME kuti Vangomson (kor.: 왕검성 / 王儉城). Se mainitase ezmäižen kerdan Kitain purtkiš kuti amuižen korejižen Kočoson-valdkundan pälidn. Kitain Han'-dinastii anasti valdkundad vl 108 EME i pani severzid-se sodaümbrikoid siš. Nannan-ümbrikon (kor.: 락랑국) keskuz sijazihe läz nügüdläšt Phen'janad. Kogurö-vankund anasti tahondad vl 313 i pani lidnad pälidnaks vl 427. Japonižen tobmuden aigan (1910−1945) nimitihe lidnad Heidzö (平壌), lugetihe ijeroglifoid japonaks.

Vspäi 1946 om tazostadud provincijha lidn, oiktanke alištusenke valdkundan tobmudele.

Geografijan andmused

Lidnan sijaduz valdkundas vn 2006 kartal

Lidn sijadase Tedongan-jogen da sen oiktan Pothongan-ližajogen randoil, 29 m ü.m.t. keskmäižel korktusel. Lidnfartaloiden territorii otab 315 km². Phen'janan avanport om Nampho 40 km suvipäivlaskmha orhal Tedonan jogensun da Pakuižen meren randoil.

Klimat om mussonine kaks'sezonine. Voden keskmäine lämuz om +10,6 C°, heinkun-elokun +24,5 C°, vilukun −6 C°. Ekstremumad oma −26,5 C° (viluku) i +37,8 C° (eloku). Voib panda lujid pakaižid kaiken tal'ven aigan. Ei voi panda halad semendkus-sügüz'kus (semendkun minimum om +2,2 C°). Paneb sadegid 933 mm vodes, vihmsezon oleskeleb heinkus-elokus (202..268 mm kus), kuiv sezon — tal'vkus-keväz'kus (11..27 mm kus).

Tobmuz

Lidnan administrativižed ümbrikod (2018)

Phen'jan jagase 19 nimitadud ümbrikoks (구역 kujok) da ühteks makundaks (군 kun). Röunatab Hvanhe Pukto-provincijanke suves i Phönan Namdo-provincijanke pohjoižes.

Eläjad

Vn 2008 rahvahanlugemižen mödhe lidnan eläjiden lugu oli 3 255 288 ristitud. Enamba 4 mln ristituid elädas ezilidnoidenke.

Transport

Trolleibusad da tramvaid oma kundaližeks transportaks lidnas. Vspäi 1973 metropoliten radab, siš om kaks' jonod 16 stancijanke, 22 km raudted. Elektrojonused ühtenzoittas ezilidnoidenke.

Phen'janan rahvahidenkeskeine Sunan-lendimport (FNJ) sijadase koumekümnes kilometras pohjoižhe lidnan keskuzpalaspäi. Tehtas reisid Kitain lidnoihe, Vladivostokha, mugažo KRDT:n pohjoižpäivnouzman lidnoihe, čarterreisid Makaoho, Inčhonha i erasihe-se Japonijan lidnoihe.

Galerei

• 
  Korejan Töpartijan päfater (2013)
• 
  Eläban Eziauguižen Stroican päjumalanpert', vn 2011 nägu (ortodoksine hristanuskond, letihe vll 2003−2006)
• 
  Universitet Kim Ir Senan nimed (2010)
• 
  Phen'janan cirk (2019)
• 
  Äifunkcionaline Ninnado-stadion Semendkun Ezmäižen päivän nimed ühtennimižel sarel (2012, om saudud vll 1986−1989)
• 
  Phen'jan-päraudtestancijan sauvuz vl 2015
• 
  Lidnan fotokuva Man kaimdajaspäi vn 2007 elokus