Rusked torg
From Wikipedia, the free encyclopedia
Remove ads
Rusked torg (ven.: Красная площадь) om Moskvan da kaiken Venäman pätorg.
Sijadase Moskvan keskuzpalas, mülüb Administrativižen Keskuzümbrikon Tverin rajonha. Torgun i Moskvan Kremlin ansambl' om kul'turan da arhitekturan muštnik, mülüb UNESCO:n Man jäl'gusen nimikirjuteshe vspäi 1990.
Sijaduz
Torg sijadase Moskvan Kremlin (suvipäivlaskmha) i Kitai-lidnan torguindrividen (pohjoižpäivnouzmha) keskes. Ühtenzoitase Moskvanjogen pävagon huranke randanke, sen Kremlin randirdanke venon Vasil'jevskii-lanktendan kal't. Nened irdad lähttas päivnouzmha torguspäi: Nikol'skai, Il'jink i Varvark.
Ümbrikirjutand
Arhitekturine ansambl' kogoneb neniš sauvusišpäi: Istorine muzei i Kazanin päjumalanpert' pohjoižpalas, Jumalanmaman katken päjumalanpert' om sätud suvipalas. Ocsija, muštnik Minin da Požarskii oiktastuseks, Vladimir Leninan mavzolei i kaumišt (nekropol') Kremlin seinänno sijadasoiš torgul mugažo.
Ühthine piduz om 330 metrad, 75 m levette. Pind — 24 750 m². Torg om lavastadud brusuzil Kriman gabrodiabazaspäi.
Remove ads
Kävutand
Ende kävutihe torguseks, panihe pordaigaližid torguindrivid. Amuižen aigan tegihe publižid surmičendoid mugažo.
Nevondkundaližes aigaspäi tehtas paradoid da sätas toižid kundaližid aigtegoid. Torg om avaitud jaugnikoiden täht, no varjoičese hüvin lähižen Kremlin tagut, mitte om valdkundan prezidentan ühteks rezidencijoišpäi.
Homaičendad
Wikiwand - on
Seamless Wikipedia browsing. On steroids.
Remove ads