Sarnipu

Sarnipu vai Sarnpu (latin.: Fraxinus excelsior), mugažo Evropine sarnipu i Järgeline sarnipu, om pu. Se om Sarnipu-heimon tipine erik, mülütadas Olivanpuižed-sugukundha.

? Sarnipu
Sarnipu
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Magnoliopsida) Kund: Lamiales Sugukund: Olivanpuižed (Oleaceae) Heim: Sarnipu (heim) (Fraxinus) Erik: Sarnipu
Latinankel'ne nimi
Fráxinus excélsior L., 1753
Areal
Eziauguine leviganduz ✖ Izoliruidud populäcii ▲ Introduciruidud erik
Sistematik Vikierikoiš Kuvad Vikiaitas ITIS 502663 NCBI 38873

Sarnipun plodud semnidenke

Ümbrikirjutand

Täuz'kaznu pu oleleb 20..30 (erasti 40) metrad kortte, tüvi kazvab ühthe metrhasai sankte. Kron ištub korktas. Kor' om hahk haugoitesekaz, noril kazmusil — hahkvihand siled.

Änikoičeb edel lehtesid kevädel. Plodud oma kaidad 5 santimetrhasai pitte, modificiruidud suugikahad pähkmed, ehttäs elokus. Sarnipu äikerdoičese niiden semnil.

Lugetas enamba 10 sortuid. Kazvab teravas, andab äjid vezoid kandospäi. Sarnipu navedib kazvatelišt mad vällänke muglreakcijanke.

Kävutand

Ištutadas dekorativižeks i meliorativižeks (tahondan kuivatoitmižen täht) kazmuseks. Ottas kävutamižhe pumaterialaks, se om varmed i kebn ümbriradmižes. Nored vezad söttas pedroid, hirvid, kodikabjživatištod.