JIM
From Wikipedia, the free encyclopedia
JIM (vroeger JIMtv) is ne muzik en joungernzender van de VMMa en is ipgericht gewist ip 2 april 2001 lik JIMtv. In d'êeste uutzendingn kwamn ol de mensn hunder vôorsteln die vo de zendre werktn.
![Thumb image](http://upload.wikimedia.org/wikipedia/commons/thumb/5/56/JIM_logo_2014.png/220px-JIM_logo_2014.png)
'n Dag van vandoage noemt de zendre geweun JIM. Want vroeger han ze nog et gedacht vo nog ne radiozender te moakn mè noame JIMfm. Dat hèit ton nie deure gegoan en ton kwam Q-music uut de busse. JIM stound vroeger vo Jounk, Interactif en Mêer.
Momentêel zyn de bekende gezichtn by JIM: Leki, Regi en Tiany Kiriloff. Ze dien ip de zendre vôoral lik VJ's. VJ stoat vo video jocky, deen die videoclips an mekoar klapt.
In oktober 2009 èit JIM tegoare me Q-music zyn eign hitliste gemakt, de TOP 40 Hitlist, woa dan ze de 40 mêest populaire en gedroaide liedjes verzoameln en rangschikn. Ze speeln de liste of ip JIM de vridag - en zundag achternoene en ip Q-music de zoaterdag-achternoene. De zender is ôok nog van plan vo een liste te moakn met de populairste clips van 't moment. De hitliste is intussn ol utgebreid met een belgische liste, een liste vo Dance-muzik, êne vo urban muzik (mêer amerikoanse muziek), een tiplist (de verwachte stijgers), een alternative liste (vo groepn die ni bie 't grôte publiek gekend zyn) en een archif. De hitlist kan compleet online groates belusterd wêrn.