![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d6/Perseo_Cellini.jpg/640px-Perseo_Cellini.jpg&w=640&q=50)
Maniërisme
From Wikipedia, the free encyclopedia
Maniërisme is den term vor e kunststromienge die ountstound in Itoalië binst de 16ste eeuwe. ’t Was e voortzettienge van de Renaissance en vormde den overgank no de Barok.
![Thumb image](http://upload.wikimedia.org/wikipedia/commons/thumb/d/d6/Perseo_Cellini.jpg/320px-Perseo_Cellini.jpg)
![Thumb image](http://upload.wikimedia.org/wikipedia/commons/thumb/a/a8/Monument_du_coeur_d%27Henri_II.jpg/640px-Monument_du_coeur_d%27Henri_II.jpg)
![Thumb image](http://upload.wikimedia.org/wikipedia/commons/thumb/b/b3/Florence_Rape_of_the_Sabine_Women_1.jpg/640px-Florence_Rape_of_the_Sabine_Women_1.jpg)
De Renaissance wordt ounderverdêeld in:
- Vroegrenaissance (1420–1500)
- Hoogrenaissance (1500–1530)
- Maniërisme (1530–1600)
Achter 1520 begostn d'r mêer en mêer kunstenoars te breekn met ’t classicisme van d’Hoogrenaissance. Ze wildn e mêer persôonlikke, expressievn styl creëren. Ze pastn de klassieke elementn, vormn, moatn en proportieschema’s ip ‘n eign maniere toe in under werk. En in teegnstellienge tout de kunstenoars van de Renaissance, die under an de klassieke regels hieldn, brochtn de maniëristn under ideeën en emoties mêer tout uutdrukkienge.
Den eeste kunstenoare die de nieuwe richtienge angaf was Michelangelo en ôok Rafaël en Titiaan.
Michelangelo was binst z’n lank leevn de genioaln vertolker van wa dat er leefdeg' in dien tyd. De kunstenoars van de volgende generoatie richtegn under no de maniera di Michelangelo, ’t hoogst bereikboar ideoal. Vandoar den term ‘maniërisme’.
Oloewel da Michelangelo mo stierf in 1564 en Titiaan in 1576 wordn ze toch tout d'Hoogrenaissance gerekend.