Omer Karel De Laey (Sint-Jozef (Ooglee), 18 september 1876 - 16 december 1909) wos e West-Vlamschn schryver.
Leevn
E wos de zeune van e rykn boer, die nog burgemêester en provinscheroadlid ewist is. En is ebôorn me reuma en etwot an zyn erte, woadeure dat 'n mo 33 joar oud ekommn is. Achter dat 't no 't Klêen Seminoarie in Roeseloare egoan wos (woa dat 'n Grieks-Latyn dei en indeliks goeie puntn oald voun algebra en fysica, mo surtout geirn Nederlands en Latyn dei), gienk 'n no Leuvn (e dei doa Rechtn). Ze studentejoarn woarn de beste van ze leevn, e kuste doa werkn, wandeln, schryvn en discuteern me jounge gastn van 't zeste niveau lik nem. E kwam in 1900 doctor in de Rechtn, mo deur ze slicht erte moest 'n no de Gête werekêern.
E gienk dôod in 1909.
Werk
De Laey et e masse eschreevn, buutn gedichtn ouk tonêel, essays en sprooksjes.
- Ook verzen (gedichtn, 1902)
- Van te lande (gedichtn, 1903)
- Van over ouds (gedichtn, 1905)
- Flandria illustrata (gedichtn, 1905)
- Bespiechelingen (gedichtn, 1907)
- Falco (tonêel, 1907)
- Hardenburg (tonêel, 1907)
- Dierensprookjes (1912) (E wos toune ol dôod.)
E vôorbeeldje
- Er houng 'n wuulgen wisse,
- ol boven ip nen dik,
- en, drounder, wos ne roibaard
- an 't wroetlen, in het slik.
- Je wupte, rechte omhoige,
- tot ip de wisse, en zat
- daa med z'nen borst, die rost is
- lik 'n verdroigde blad.
- Je sprounk dan were omleege,
- omdat hi, gunter, zag
- ne worrem blekken, die, ip
- z'n rik, te wentlen lag.
- De wisse houng te wieglen,
- al boven ip de dik,
- en, drounder, wos de roibaard,
- an 't wroetlen in het slik.
Uit: Ook verzen. Vacancerismen ip z'n Westvlams, 1902
Referensches
- Van Wilderode, Anton, De Dubbelfluit 2, p. 146-147, 1974
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.