Sylvain Chavanel
From Wikipedia, the free encyclopedia
From Wikipedia, the free encyclopedia
Sylvain Chavanel Albeira (30 juni 1979, Châtellerault, Vienne, Vrankryk), mêestol geweune Sylvain Chavanel enoemd, is Franschn coureur die sedert 2009 byn 't Belgische Quick-Step rydt. 't Is e coureur die e bitje vanolles kut, van de Vlamsche klassiekers over kortere roundn toet 't middngebergte (en is oundermêer ol 'n zestiensn ewist in 'n Vuelta). Voun de grotste klassiekers en de grôte roundn komt 'n e bitje te kort, en het wel ol êentige semi-klassiekers ewonn en 3 rittn in 'n Tour.
'n Overgrôotvoader van de Chavanels (zyn broere Sébastien is oek prof byn FDJ, 't is surtout e redelikkn goein sprinter) wos van Huesca in Aragon, van doa komt nunder twidde achternoame Albeira. Zyn pé is ebôorn in Barcelona en is no Vrankryk evlucht achter dat 'n Spaanschn burgerôorloge begunn wos. E gebruukt zyn twidde noame ollêne mor up officiële papiern en ne kut oek verre gin Spaans.
Me zyn broers en zyn zuster speeldig 'n ol koersn achter me speelgoedcoureurtjes, e wos êest Greg Lemond, toune Miguel Indurain en nog loater Laurent Jalabert. E vound Lemond e sympathiekn gast en 'n hôorde nem geirn koutn, surtout at 'n in 't Frans bezig wos.
Lik vele jounge gastn is Chavanel begunn foetbolln, mor at 'n dertiene wos, is 'n veraard no koersn, byn 'n platselikkn ploeg AC Châtellerault. E wonn 29 koers byn de jeugd en in 2000 mucht 'n prof kommn byn Bonjour van Jean-René Bernaudeau, die nem ol kende van in de jeugdcategorieën. In 't begun van zyn profcarrière wos 'n surtout ekend voun zyn lange vluchtn, etwot dat 'n loater e bitje met e kêe ofelêerd is, ol gebeurde 't nog wel nu en toun ekê, lik in 'n twiddn rit in lyne van 'n Tour van 2010, woarin dat 'n wonn in Spa.
E rêde nog voun Cofidis, in 2009 gienk 'n over no Quick-Step en hadde rechtet en indeliks goed sezoen, met winste in de Broabantschn Pyl en Dweirsn deur Vloandern en e masse êreplekkn in (semi-)klassiekers. 2010 wos moelikker, e brak oundermêer zyn schedelboasis. 't Wos mor in 'n Tour dat 'n were goed rêde, e wonn de rittn no Spa en no Station des Rousses en ne rêed twêe doagn in 't gilf.
 |
Ofbeeldiengn die ier by passn ku je vien in de categorie Sylvain Chavanel van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
