Antonello da Messina

Antonello da Messina (echte noame Antonello di Giovanni di Antonio (Messina (Sicilië) ca. 1430 – Messina, 1479) was e belangryke kunstschilder uut de Italioansche vroegrenaissance.

Vint mè mutse (verzekers e zelfportret) (1474-1475)

Kruusigienge, Antwerpn, detail

Zyn werk was styf beïnvloed deur de Vlamsche Primitievn en je was êen van de pioniers van ’t gebruuk van olieverve in Itoalië. Dien techniek wierd vo ’t êest gebruukt in de Lêge Landn deur Jan van Eyck in ’t begun van de 15e êeuwe.

‘t Feit dat e Zuud-Italioansche schilder e grôotn invloed haad ip de kunst van Nôord-Itoalië en surtout Venetië was styf uutzounderlik.

Zyn leevn

Antonello da Messina was ofkomstig uut de Sicilioansche stad Messina. Je krêeg z’n ipleidienge in Noapels, in dien tyd styf ounder de cultureeln invloed van Spanje, Frankryk en de Nederlandn.

In Noapels kwamt ie Vlamsche kunstenoars teegn, die hem den olieverftechniek lêerdn kenn. Je reisdeg' ôok no de Nederlandn. In 1475 weundegt ie in Venetië en introduceerde doa ’t schildern met olieverve. Je miek doa zyn kruusigienge, 't werk da veel Venetioansche kunstenoars beïnvloedde.

Je schilderdeg' an ’t hof van Alfons V van Aragón, keunienk van Aragón, Sardinië en Sicilië (1416-1458) en keunienk van Noapels (1442-1458).

Kruusigienge (1475), Museum vo Schône kunstn in Antwerpn

Ofbeeldiengn die ier by passn ku je vien in de categorie Antonello da Messina van Wikimedia Commons.