Schermblommign

De schermblommign (Apiaceae of Umbelliferae) zyn e familie van mêestal aromatische plantn met holle stiengels. De familie, die vernoemd is noa 't geslacht Apium, is styf grôot me mêer of 3700 sôortn in 434 geslachtn.

Schermblommign
Verschillige sôortn Apiaceae: geslacht Apium, Daucus, Foeniculum, Eryngium en Petroselinum.
Taxonomische indêlienge
Ryk: Plantae (Plantn) Ounderryk: Embryophyta (Landplantn) Stamme: Magnoliophyta (Blommeplantn) Orde: Apiales
Familie
Apiaceae Lindl., 1836

De familie bevat nuttige plantn lyk karootn, kervel, koriander, perselle en selder, moar ook ênigte styf giftige sôortn.

Gebruuk

• Groensel
  • Karote, Daucus carota
  • Pastinoak, Pastinaca sativa
  • Selder, Apium graveolens
  • Vienkel, Foeniculum vulgare
• Smoakversterkers en kruudn
  • Anys, Pimpinella anisum
  • Dille, Anethum graveolens
  • Kervel, Anthriscus cerefolium
  • Komyn, Cuminum cyminum
  • Koriander, Coriandrum sativum
  • Perselle, Petroselinum crispum
• Giftige plantn
  • Gevlekte scheirlienk, Conium maculatum
  • Houndsperselle, Aethusa cynapium
  • Woaterscheirlienk, Cicuta virosa

Ofbeeldiengn die ier by passn ku je vien in de categorie Apiaceae van Wikimedia Commons.