Kobbeachtign

From Wikipedia, the free encyclopedia

Kobbeachtign
Remove ads

De kobbeachtign (Arachnida) vormn e klasse van de geleedpôotign met de bekendste groep de echte kobbn. Den tak van de zoölogie die de kobbeachtign bestudeert, is de arachnologie. De Arachnida dankn under benoamienge an de Grieksche mythologische figeure Arachne.

Meer informatie Taxonomische indêlienge, Klasse ...
Remove ads

Kenmerkn

Kobbeachtign èn vier poar pôotn en mêestal e lyf dat in twêen gedêeld is. Under kop en borststik vormn de cephalothorax oftewel kopborststik. De lengte van under lyf varieert van 1 millimeter (mytn en teekn) toet 23 cantimeeter (schorpioenn). De vintjes zyn over 't algemêen kleinder of de wuuvetjes. Schorpioenn èn krachtige vanguutsteeksels oentwikkeld en ze zyn giftig. De styf klêene bastoardschorpioenn èn vergifkliern in under schoarn, geweune schorpioenn in de bekende vergifstekker.

Taxonomie

De klasse bestoat uut de volgnde ordes:

  • Acariformes (Mytn), 32.000 sôortn
  • Amblypygi (Zweepkobbn), 153 sôortn
  • Araneae (Echte kobbn), 40.000 sôortn
  • Opiliones (Hooiwoagns), 6.300 sôortn
  • Palpigradi (Microzweepschorpioentjes), 80 sôortn
  • Parasitiformes (Teekn), 12.000 sôortn
  • Pseudoscorpionida (Bastoardschorpioenn), 3.000 sôortn
  • Ricinulei (Kappekobbn), 60 sôortn
  • Schizomida (Kortsteirtschorpioentjes), 220 sôortn
  • Scorpiones (Schorpioenn), 2.000 sôortn
  • Solifugae (Kemelkobbn), 900 sôortn
  • Thelyphonida, ook Uropygi genoemd (Zweepsteirtschorpioenn), 100 sôortn
  • † Haptopoda
  • † Phalangiotarbi
Wikimedia Commons
Loading related searches...

Wikiwand - on

Seamless Wikipedia browsing. On steroids.

Remove ads