Brillon
From Wikipedia, the free encyclopedia
Remove ads
Brillon es e gemêente in Vrankryk in't Noorderdepartement. 't Ligt hil o de ôostzuudkantn van Frans-Vloandern, mêer bepoald in't nôordwestn van't arroundissement Valencyn, ip't schee'n mè 't arroundissement Dowoai. Brillon grenst an de gemêentn Sars-et-Rosières, Rosult, Bousignies en Tilloy by Marsenne.
Brillon ligt o de zuudkantn van d'oude boane van Ôorschie richtienge Sint-Amands an de Skarpe (d'uudige D953). An de nôordôostgrenze van de gemêente lôopt d'A23-ottostroade tusschn Villeneuve d'Ascq en Valencyn.
Brillon es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt.
Remove ads
Sport
De finoale van de koerseklassieker Parys-Roubei passeert traditionêel olangsn de gemêente. Ip't groundgebied van Brillon ligter ôok e kasseystroke: 't ende van de Secteur pavé de Warlaing à Brillon (secteur 16, e bitje minder moeilyke strooke van 3 ster'n die 2,4 kilomèiters lank es).
Beziensweirdigeedn
- De Sint-Amandskerke
![]() |
Ofbeeldiengn die ier by passn ku je vien in de categorie Brillon van Wikimedia Commons. |
Wikiwand - on
Seamless Wikipedia browsing. On steroids.
Remove ads