Cavia-achtign

De cavia-achtign (Caviidae) vormn e familie van knoagbeestn (Rodentia), ofkomstig van Zuyd-Amerika. De familie bestoat uyt 19 soortn in 6 geslachtn, woaroender de gedomesticeerde Spoansche ratte en wilde cavia's, moar ook mara's en capibara's, de grotste knoagbeestn ter weireld.

Dat artikel es geschreevn in 't Noordelik West-Vlams.

---

Cavia-achtign
Brazilioansche cavia (Cavia aperea)
Taxonomische indêlienge
Ryk: Animalia (Beestn) Stamme: Chordata (Chordabeestn) Klasse: Mammalia (Zoogbeestn) Orde: Rodentia (Knoagbeestn)
Familie
Caviidae Fischer von Waldheim, 1818

Met uytzoenderynge van de mara's die trekn ip keuns, hèn Cavidae e kort lyf en e grote kop. Hunder steirt is meestal nie zichtboar. 't Zyn plantneters die toaie grasn eetn of zochtere bloarn.

Geslachtn

• Oenderfamilie Caviinae (Cavia's)
  • Cavia (6 soortn)
  • Galea (4 soortn)
  • Microcavia (3 soortn)
• Oenderfamilie Dolichotinae (Mara's of Patagonische hoazn)
  • Dolichotis (2 soortn)
• Oenderfamilie Hydrochoerinae (Capibara's of woaterzwyns)
  • Hydrochoerus (2 soortn)
  • Kerodon (2 soortn)