Doesjanbe

Doesjanbe (Tadzjieks: Душанбе; letterlik Moandag) is den hoofdstad en de grotste stad van Tadzjikistan. 't Ligt in de Gissarvalleie, an de soamnvloeiinge van de Varzob, die oek Dushanbinka genoemd wordt, en de Kofarnihon, ip zo'n 800 meter boven zeeniveau. De noame komt van de moandagmarkt die hier vroeger iedere weeke g'houdn wierd. Vroeger was 't e kleen dorp, mor in 1924 maktn de sovjets 't den hoofdstad van de Tadzjieksche Autonome S.S.R. In 1929 kreeg de stad de noame Stalinabad, mor in 1961 kreeg ze were heur oude noame Doesjanbe. De stad is omringd deur bergn me besneeuwde toppen, wat da vo frissche lucht zorgt, mo de zomers kunnen toch styf heet en droge zyn, binst dat de winters koel en helder zyn. Woar dat er in 1920 nog mor amper 283 man weundegn, is de stad nu uutgegroeid tout e stedelike agglomeroasje van bykan een miljoen inweuners.

Doesjanbe Душанбе
Koarte	Embleem
Land	Tadzjikistan
Ippervlak:	185  km²
Inweuners:	1.564.700
Website	dushanbe.tj

Bekende plekken in de stad zyn ounder andere Rudaki-Park, vernoemd noa de beroemde dichter, 't standbeeld van Ismoil Somoni, de 165 meter hoge vlaggemast die van 2011 tout 2014 den hoogstn ter weireld was, 't Nationaal Museum, de Nationale Bibliotheke en 't Presidentspaleis. De centrale boulevard, Rudaki Avenue, is omzoomd me bomen en beeldn, en is e plekke woar da menschn wandeln en mekoar tegenkommen. De stad is e smeltkroes van Perzische, Russische en lokale invloedn; Tadzjieks is d' hoofdtoale, mo Russisch wordt vele gebruukt in handel en bestier.

Ofbeeldiengn die ier by passn ku je vien in de categorie Dushanbe van Wikimedia Commons.