Drieoek

Nen drieoek es de mêest algemêne vorm van een vlakke figure me drie oek'n. In zyn mêest eenvoudige vorm es de lengte van de drie zydn nie gelik an elkoar, en den ene zyde mag noois groter zyn of de som van de twee andere.

Nen drieoek

In nen drieoek es de somme van d' oekn oltyd 180°.

Der bestoan verschillende specioale vormn van drieoek'n:

• ip boasis van de zydn:
  • nen willekeurigen drieoek
  • nen gelykbênigen drieoek
  • nen gelykzydigen drieoek
• ip boasis van d'oek'n
  • nen rechtoekigen drieoek
  • nen scherpoekigen drieoek
  • nen stompoekigen drieoek

Formules:

• Omtrek = somme van de zydn
• Uppervlakte = (boasis x ôogte)/2

Specioale lynn

• Ôogtelyne = de lyne vanuut n oekpunt lôodrechte up d'overstoande zyde
• Zwoartelyne = de lyne vanuut n oekpunt noa 't midden van d'overstoande zyde
• Middellôodlyne = de lyne deur 't midden van n zyde, lôodrecht up die zyde

Eigenschappn van die lynn:

• De drie ôogtelynn goan deur 1 punt ('t ôogtepunt H van den drieoek)
• De drie zwoartelynn goan deur 1 punt ('t zwoartepunt Z van den drieoek)
• De drie middellôodlynn goan deur 1 punt ( 't middelpunt O van den drieoek. Vanuut da punt kuj dus 'n cirkel têeknen die deur de 3 punten van den drieoek goat).
• Die drie specioale punten liggen up 1 rechte, de rechte van Euler
• |HZ| = 2|ZO|
• De drie bissectricen goan deur 1 punt, da punt es 't middelpunt van de ingeschreven cirkel.

De rechte van Euler