Erpe-Mere

Erpe-Mere is e gemêente in de Belgische provinsje Ôost-Vloandern. De gemêente hèt een ippervlakte van 34,41 km² en telt 21.013 inweuners (2024).

• 
• 

Dat artikel es geschreevn in 't Noordelik West-Vlams.

---

Ligginge binn 't arroundissement Aalst in de provinsje Ôost-Vloandern

Kerke van Aaigem

Gemêentehuys van Erpe-Mere

De gemêente Erpe-Mere is ountstoan by de fusie van Belgische gemêentn in 1977. By 't kiezn van de noame kwoamn Erpe en Mere nie overêen. Erpe wilde dat de gemêente Erpe zou noemn omda ze 't grotste in ippervlakte was. Moa Mere lag centroal en ha mêer inweuners. Os compromis wierd de noame Erpe-Mere gekoozn.

Erpe-Mere ligt ip uytlopers van d' heuvelzone van de Vlamsche Ardenn en in de Denderstreke. 't Groundgebied van Erpe-Mere wordt deurkruyst deur twèe beekn met de zelfste noame. De Meulnbeke moundt uyt in de Schelde en de Meulnbeke-Ter Erpenbeke in de Dender. 't Gemêentehuys, de sporthalle en de bibliotheke van Erpe-Mere liggn in Stêenberg, ip 't groundgebied van Bambrugge.

Dêelgemêentn

#	Noame	Ippervlakte (km²)	Bevolkinge (2020)	Inweuners per km²
1	Mere	5,80	5.428	936
2	Erpe	8,36	5.124	613
3	Aaigem	7,47	2.101	281
4	Burst	3,83	3.103	809
5	Bambrugge	2,91	1.829	629
6	Ottergem	1,59	511	321
7	Vlekkem	1,19	275	232
8	Erondegem	3,25	1.764	543

Ligginge van de dêelgemêentn in Erpe-Mere

Erpe-Mere grenst in 't noordn an Lede, in 't ôostn an Aalst en Haaltert, in 't zuydn an Herzele en in 't westn an Sint-Lievens-Houtem.

Polletiek

• Burgemêester: Tom Van Keymolen (CD&V)
• Bestier: CD&V met LEF, Vooruit-Groen
• Zetels: 27 (2024-2030)
  • CD&V met LEF: 14
  • Vlaams Belang: 5
  • N-VA: 5
  • Vooruit-Groen: 2
  • STERK!: 1

Ofbeeldiengn die ier by passn ku je vien in de categorie Erpe-Mere van Wikimedia Commons.