Eyland Man

't Eyland Man (Iengels: Isle of Man of Mann, Manx: Ellan Vannin of Mannin) is een eyland in d' Iersche Zêe tusschn Grôot-Brittannië en Ierland. 't Is Brits Krôonbezit juste lyk de Kanoaleylandn. 't Is gin oenderdêel van 't Verênigd Keunienkryk en ook nie van d' Europeesche Unie. 't Stoatshoofd is Charles III van 't Verênigd Keunienkryk, die den titel Lord of Mann voert.

Koarte van 't Eyland Man

Dat artikel es geschreevn in 't Noordelik West-Vlams.

---

Eyland Man Isle of Man Ellan Vannin
Liggienge van 't Eyland Man
Officiële toale	Iengels, Manx
Hoofdstad	Douglas
Stoatsvorm	Parlementaire democratie Constitutionele monarchie
Stoatshoofd	Elizabeth II
Êerste minister	Howard Quayle
Ippervlak	572 km²
Inweuners Bevolkiengsdichtheid	88.815 (2017) 155,3 inw./km²
Munte	Pound sterling Manx pound (GBP)
Tydzone	UTC 0 (zomertyd: UTC+1)
Landcode	IM, IMN
Telefongcode	.+44
Internet-TLD	.im
Nationale fêestdag

De mêeste menschn ip Man weunn in de steedn an de kust. D'n hoofdstad en grotste stad is Douglas. Andere steedn zyn Ramsey, Peel, Castletown en Port Erin. Ip Man ist er e gemoatigd zêeklimoat.

D' officiële toaln van 't Eyland Man zyn Iengels en Manx, e Keltische, Goidelische toale, nauwe verwant an 't Iers en Schots-Gaelic.

Een ipvallnd verschynsel is dat de mêeste kattn ip 't eyland gin steirt hèn of e kort stompsteirtje, en dat is al êeuwn azo. Da katteras is genoemd noa 't eyland: Manx.

• 
  Douglas, boaie en hoave
• 
  Kastêel van Peel
• 
  Zwarte Manx-katte

Bekende menschn

• Mark Cavendish, coureur
• Barry, Robin en Maurice Gibb, muzikantn van de popgroep de Bee Gees

Ofbeeldiengn die ier by passn ku je vien in de categorie Isle of Man van Wikimedia Commons.