Gilwe groendel

De gilwe groendel (Cryptocentrus cinctus) is e klêen visje van de familie groendels (Gobiidae) in d' orde Gobiiformes.

Dat artikel es geschreevn in 't Noordelik West-Vlams.

---

Gilwe groendel
Gilwe groendel (Cryptocentrus cinctus)
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Actinopterygii (Stroalvinnign) Orde: Gobiiformes (Groendelachtign) Familie: Gobiidae (Groendels) Geslacht: Cryptocentrus
Sôorte
Cryptocentrus cinctus Herre, 1936

De groendels leevn in de westelike Stilln Oceoan, van Japan toet Singapore, 't Grôot Barrièrerif en Palau. Ze zyn te viendn ip zandbodems, tusschn koroalriffn, in kustboain en lagunes, ip e diepte van 1 toet 25 meter.

De gilwe groendel is oengeveer zes cm lank, moa ze kunn toet 10 cm kommn. De mêeste exemploarn zyn gilwe van kleur mè klêene helblauwe vlekkn, moa sommigte kunn ook wel grysde uutsloan. De buukvinn zyn an mekoar gegroeid.

Gilwe groendels leevn dikwyls t'hope in symbiose mè geirnoars van de familie Alpheidae.

• 
  Gilwe groendels in 'n aquarium
• 
  Groendel in symbiose met e geirnoare (Alpheus bellulus)
• 

Ofbeeldiengn die ier by passn ku je vien in de categorie Cryptocentrus cinctus van Wikimedia Commons.