Girafachtign

De girafachtign (Giraffidae) zyn e familie van eevnhoevige zôogbêestn. 't Zyn herkauwers die e gemêenschappelike vôoroeder dêeln met de hertachtign (Cervidae) en de holhôornign (Bovidae).

Dat artikel es geschreevn in 't Noordelik West-Vlams.

---

Girafachtign
Zuud-Afrikoansche giraffe
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Mammalia (Zoogbêestn) Orde: Artiodactyla (Eevnhoevign)
Familie
Giraffidae Gray, 1821
Okapi (Okapia johnstoni)

De familie was vroeger e diverse groep in Eurazië en Afrika, moa bestoat nu nog moar uut twèe geslachtn, de giraffe (Giraffa) en de okapi (Okapia), die allêne nog moar in Afrika leevn te zuudn van de Sahara. De twèe geslachtn ziën der ip 't êeste zicht styf verschillig uut, moa z' hèn ênigte gemêenschappelike kenmerkn, lik e lange, doenkergekleurde toenge, gelobde hoektandn en hôorns bedekt mè vel.

Shansitherium en Palaeotragus microdon, twèe girafachtign uut 't Mioceen van Azië

Geslachtn

• Giraffa mè vier sôortn:
  • Giraffa camelopardalis
  • Giraffa giraffa
  • Giraffa reticulata
  • Giraffa tippelskirchi
• Okapia met êen sôorte: de okapi (Okapia johnstoni)

Ofbeeldiengn die ier by passn ku je vien in de categorie Giraffidae van Wikimedia Commons.