Hendrik VII (HRR)

Hendrik VII van et Huus Luxemburg (Valenciennes, 1275 - Buonconvento (by Siena), 24 ogustus 1313) was e zeune van Hendrik VI van Luxemburg en Beatrice van Avesnes. Je was den êeste keizer van et Hillig Rôoms Ryk van et Huus Luxemburg.

Hendrik VII

1275-1313
Keizer van 't HRR
Periode 1311-1313 Rôoms-Duutsche keunienk : 1308-1313 Vôorganger Albrecht I Ipvolger Lodewyk IV, den Beier en Frederik de Schôonn
Groaf van Luxemburg
Periode 1288-1313 Vôorganger Hendrik VI van Luxemburg Ipvolger Jan de Blendn
Keunienk van Italië
Periode 1311-1313 Vôorganger Konrad IV Ipvolger Lodewyk IV, den Beier
Voader Hendrik VI van Luxemburg Moeder Beatrice van Avesnes

Je was groaf van Luxemburg van 1288 tout 1313, Rôoms-Duutsche keunienk van 1308 tout 1313, en keizer van et Hillig Rôoms Ryk en keunienk van Italië van 1311 tout 1313.

Huwelik en jounges

Hendrik VII trouwde ip 9 juni 1292 me Margaretha van Broabant, een dochter van hertog Jan I van Broabant. Under jounges woarn:

• Jan de Blendn (1296-1346), keunienk van Boheemn
• Marie van Luxemburg (1305-1324), trouwde me keunienk Charles IV van Vrankryk
• Beatrice van Luxemburg (1305-1319), trouwde me keunienk Karel I Robert van Hongareye

Verkiezienge deur de keurvorstn

De keurvorstn, t'herkenn an under woapnschild, kiezn Hendrik VII

Ip 27 november 1308 wierd Hendrik VII in Frankfurt verkoozn deur de keurvorstn als Rôoms-Duutsche keunienk en je wierd ip 6 januoari 1309 gekrôond in Aakn. Ip 29 juni 1312 wierd ie in Rome gekrôond tout keizer.

De zeevn keurvorstn van lienks no reks: d'eirtsbisschoppn van Keuln (Hendrik II van Virneburg), Mainz (Peter van Aspelt), en Trier (Balduin van Luxemburg), de paltsgroaf van de Reyn (Rudolf I van de Palts), den hertog van Saksn (Rudolf I van Saksen-Wittenberg), de markgroaf van Brandenburg (Waldemar van Brandenburg), en de keunienk van Boheemn (Hendrik van Karinthië).

Ofbeeldiengn die ier by passn ku je vien in de categorie Henry VII, Holy Roman Emperor van Wikimedia Commons.