Hoge Veenn

D' Hoge Veenn (Frans: Hautes Fagnes; Duuts: Hohes Venn) zyn 'n oenderdêel van 't Nateurpark Hoge Veenn-Eifel. D' Hoge Veenn lign ip 'n hoogvlakte, grôotndêels in d' Ardenn en vor e kleinder dêel in den Eifel. 't Gebied ligt in de Woaln in ôostelik België (provinsje Luuk) en e stiksje in Duutsland. 't Gehêel besloat à peu près 4.500 ha.

Dat artikel es geschreevn in 't Kustwestvlams.

---

Typisch landschap van d' Hoge Veenn in Ôost-België, dichte by de Duutsche grenze

Liggienge van d' Hoge Veenn

De streke bestoat vor e grôot dêel uut vegetoasjes met hoogveen. Da zyn zeure, natte habitats die oarm zyn an mineroale zoutn, mè flora en fauna die angepast zyn an zukke extreme omstandigheedn. In 1957 wierd 't stoatsnateurreservoat Hoge Veenn (réserve naturelle des Hautes Fagnes/Naturreservat Hohes Venn) ipgericht.

D' Hoge Veenn wordn begrensd deur Eupen in 't nôordn, Monschau in 't ôostn, Malmedy in 't zuudn en Spa in 't westn. 't Grotste dêel ligt in België in d' Ôostkantongs. 't Is 't hoogst geleegn gebiëd van België mè topn juste oender de 700 meter, woaroender ook 't hoogste punt van 't land, 't Signoal van Botrange (694 m). De riviertjes Roer, Vesder, Gileppe en Helle oentspriengn in d' Hoge Veenn.

Ip d' Hoge Veenn valt de mêeste neerslag van hêel België, gemiddeld 1400 toet 1500 millimeter per joar.

Ofbeeldiengn die ier by passn ku je vien in de categorie High Fens van Wikimedia Commons.