Inghelram

Inghelram, Engelram of Enguerrand (ca.780-ca.851) wos forestier (busmêester) van de Vloanderngouwe (Pagus Flandrensis) en groaf van Hoarelbeke. Je wos de zeune van Lyderic.

Achter z'n dôod ist 'n ipgevolgd deur z'n zeune Audacer, de voader van Boudewyn I van Vloandern. De forestiers van Vloandern liggn dus an de boasis van 't loatere groafschap Vloandern.

Inghelram wos in dienst van de West-Frankische keunienk als busmêester. Je ligt begroavn ounder de kerketorre van de Sint-Salvatorskerke (d'hoofdkerke van Hoarelbeke). Zyn gedenkstêen is ingemetseld in de crypte van de torre, die ip de plekke stoat van de vroegere kapelle van 't "hof" of 't buswachtershuus.

Externe koppelienge

• Forestiers
• Cronycke van den lande ende graefscepe van Vlaenderen