Julie Vanloo

Julie Vanloo (Ostende, 10 februoari 1993) es e West-Vlamsche basketspeelster die ip de plekke van point-guard spêelt by Golden State Valkyries in de Women's National Basketball Association (WNBA).

Julie Vanloo (2024)

Ze speelt sedert 2009 ouk by de Belgian Cats, d'n nationoaln vrouwebasketploeg. In 2017 dei ze mee an't Europees kampioenschap in Tsjechië woa ze derdes wierdn en e brounzn medoaldje wounn'n. 't Joar derachter dei ze mee an't Weireldkampioenschap in Spanje en wierd'n ze vierdes.

Julie Vanloo es surtout gekend van da ze van tyds ne kêe e zotte driepunter ôog in e booge in de korve smyt. Ôok es ze noast 't pling êen van de leutemoakers van de ploege en smyt ze antins fotoots en filmpkes ip de socioale media, lyk ip Instagram.

Carrière

• Jeugd: Blue Cats Ieper
• 2009-2013: Declercq Stortbeton Woaregem
• 2013-2015: USO Mondeville
• 2015-2016: Luleå BBK
• 2016-2017: Virtus Eirene Ragusa
• 2017-2018: Istanbul Üniversitesi SK
• 2018-2018: Lyon ASVEL Féminin
• 2018-2019: PEAC Pecs
• 2019-2020: Townsville Fire
• 2019-2020: Luleå BBK
• 2020-2021: Basket Zaragoza
• 2021-2022: ŽBK Jenisej Krasnojarsk
• 2022-2022: Moncalieri Basketball
• 2022-2023: BLMA Montpellier
• 2023-2024: Galatasaray
• 2024-2024: Washington Mystics
• 2025-nu: Golden State Valkyries