Kamtsjatka-Schiereiland

't Kamtsjatka-Schiereiland (Russiesch : полуо́стров Камча́тка, Poluostrov Kamchatka) is e schiereiland in 't Russiesche Verre Ôostn da 1 250 kielomeetrs lank is, en dat 'n ippervlakte êt van apeupri 270 000 km² ^[1]. 't Ligt tusschn de Stille Oseoane no 't ôostn en de Zêe van Okhotsk no 't westn ^[2]. Zjuuste buutn de kustlyne lanst de Pasiefieke kuste van 't schiereiland lopt de 10 500 meetrs diepe Kloove van Koerieln–Kamtsjatka.

Dat artikel es geschreevn in 't Noordelik West-Vlams.

---

Kamtsjatka-Schiereiland in 't verre ôostn van Rusland. 't Rôoze gebied is de Provinsje Kamtsjatka die ook e stik van 't vasteland in 't nôordn insluut.

Topografie van 't schiereiland.

't Kamtsjatka-Schiereiland, de Kommandr-Eilandn, en Karaginsky-Eiland vormn tegoare de Provinsje Kamtsjatka van de Russiesche Fidderoasje. 't Mêerndêel van de 322 079 inweuners zyn bloed-echte Russn, mo dr zyn apeupri 13 000 Koryaks (2014) ^[3]. Mêer of den êft van de bevolkienge leeft in Petropavlovsk-Kamchatsky (179 526 inweunrs in 2010) en in 't dichte drby liggnd Yelizovo (38 980).

Ip 't Kamtsjatka-Schiereiland zyn de bekende Vuulkoann van Kamtsjatka, 'n UNESCO weirld-erfgoed.

Kamtsjatka krygt toe 2 700 mm neerslag ipo e joar. De zoomrs zyn moatig koele, en de wientrs zyn dikkers stormachtig oewêl dat mo zeldn bliksmt.

Zied ook noa

• Beikn en dinne gezoajde busschn van Kamtsjatka en de Koerieln
• Boreoale busschn van Kamtsjatka en de Koerieln

Eksterne koppliengn

• (en) Volcanoes of Kamchatka, Russian Federation (The Encyclopedia of Earth).
• (en) Vulcanoes of Kamchatka (UNESCO).