Karel van Neder-Lotharingen

Karel van Neder-Lotharingen (Laon, (953- Orléans, ca. 992) stamdeg of van de Westfrankischn tak van de Karoliengers, die in dien tyd ol uutgestorvn woarn in Ôost-Francië, mor in West-Francië woarn ze nog e keuniengsdynastie.

Lithografië van ca. 1850 met ipschrift: Stichter van Brussel ca. 976

Je was e zeune van Lodewyk IV, de keunienk van West-Francië, en Gerberga van Saksn, en e joungere broere van keunienk Lotharius.

Keizer Otto II benoemdeg hem in 977 tout hertog van Neder-Lotharingen.

Karel wordt soms de stichter van Brussel genoemd omda zyn dochter Gerberga ’t groafschap Brussel (‘t gebied tusschn de Zenne en de Dyle, dat e stik van de Broabantgouwe was) cadeau krêeg vor heur trouw round 985–990 mè Lambert I, de groaf van Leuven.

Deur under trouw wierd et groafschap Leuven verênigd met et groafschap Brussel, en doamee wierd de boasis geleid vo 't Hertogdom Broabant, dat in 1183/1184 gecreëerd gewist is.

Vrouwn en jounges

Karel trouwde in 970 mè zyn êeste vrouwe, e dochter van Robert van Vermandois, groaf van Meaux en Troyes. Met heur had ie:

• Otto (970-1012), die hem ipvolgde as hertog van Neder-Lotharingen

J'hertrouwde round 975 met Adelaïde. Met heur had ie:

• Adelaïde
• Gerberga, gravinne van Brussel, getrouwd mè Lambert I, groaf van Leuven
• Lodewyk
• Karel
• Ermengarde

Karel mè zyn broere Lotharius