Larus

Larus is e grôot geslacht van mêeuwn die vôornkomt over hêel de weireld (alhoewel verreweg de grotste diversiteit ip 't nôordelyk halfroend leeft). De noame komt van 't Oudgrieks laros (λάῥος) of latyn Larus (mêeuwe of andere grôote zêeveugel). Toet 2005-2007 wierdn verre al de mêeuwn gegroepeerd in da geslacht.

Larus
Zilvermêeuwe (Larus argentatus)
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Aves (Veugels) Orde: Charadriiformes (Steltlooperachtign) Familie: Laridae (Mêeuwn)
Geslacht
Larus Linnaeus, 1758

Over 't algemêen zyn 't grôote veugels, mêestal grysde of wit, dikwyls mè zwarte vlekkn ip under kop of vlerkn. Z' èn e redelyk lange, stevign bek en zwemvliezn an under pôotn.

Sôortn

• Larus argentatus (Zilvermêeuwe)
• Larus armenicus (Armeensche mêeuwe)
• Larus atlanticus (Mêeuwe van Olrog)
• Larus belcheri (Mêeuwe van Belcher)
• Larus cachinnans (Pontische mêeuwe)
• Larus californicus (Prairiemêeuwe)
• Larus canus (Stormmêeuwe)
• Larus crassirostris (Japaneesche mêeuwe)
• Larus delawarensis (Rienkbekmêeuwe)
• Larus dominicanus (Dominicoansche mêeuwe)
• Larus fuscus (Klêene mantelmêeuwe)
• Larus glaucescens (Beriengmêeuwe)
• Larus glaucoides (Groenlandmêeuwe)
• Larus heermanni (Mêeuwe van Heermann)
• Larus hyperboreus (Ysmêeuwe)
• Larus livens (Mexicoansche mêeuwe)
• Larus marinus (Grôote mantelmêeuwe)
• Larus michahellis (Gilwpôotmêeuwe)
• Larus occidentalis (Californische mêeuwe)
• Larus pacificus (Dikbekmêeuwe)
• Larus schistisagus (Mêeuwe van Kamtsjatka)
• Larus smithsonianus (Amerikoansche zilvermêeuwe)
• Larus thayeri (Mêeuwe van Thayer)
• Larus vegae (Ôost-Siberische mêeuwe)

Ofbeeldiengn die ier by passn ku je vien in de categorie Larus van Wikimedia Commons.