Margaretha van Parma

Margaretha van Parma (Oudenoarde, 5 juli 1522 – Ortona (Itoalië), 18 januoari 1586) was landvoogdesse van de Nederlandn van 1559 tout 1567.

Margaretha van Parma

1522 – 1586
Margaretha van Parma
landvoogdesse van de Nederlandn
Periode 1559 – 1567 Vôorganger Emanuel Filibert van Savoye Ipvolger Fernando Álvarez de Toledo (ertog van Alva)
Voader Karel V Moeder Johanna van der Gheynst

In ogustus 1567 verving keunink Filips II eur deur Fernando Álvarez de Toledo, den ertog van Alva.

Eur leevn

Margaretha was e buutnechtelik kind van keizer Karel V. Eur moeder was Johanna van der Gheynst, de dochter van e wever uut Oudenoarde. Ze wierd gedopt in de kerke van Pamele en z’is ipgebrocht in Brussel ounder toezicht van Margaretha van Oostnryk en Maria van Ongareye.

Ze trouwde twi kêers:

• 29 februoari 1536: in Napels met Alessandro de' Medici, ertog van Firenze, die vermôord wierd in 1537.
• 4 november 1538: in Rome met Ottavio Farnese, ertog van Parma. Z’aan e twêelink: de loatern landvoogd Alexander Farnese en Carlo, die e joar loater stierf.

Binst eur regerienge gerakte Margaretha mêer en mêer gewroungn tusschn de keunink en den oadel, die in ipstand kwoamn teegn de Spoanschn inquisitie.

O Filips II in ogustus 1567 den ertog van Alva zound vo ‘t gezag t’erstelln, kêerde Margaretha were nor Itoalië.

In 1578 makte ze nog mee dat eur zeune Alexander Farnese landvoogd van de Nederlandn wierd me vele succes.

Ofbeeldiengn die ier by passn ku je vien in de categorie Margaret of Parma van Wikimedia Commons.