Mogiljov

Mogiljov (Wit-Russisch: Магілёў; Russisch: Могилёв, Mogiljov; Pools: Mohylew) is e stad in 't ôost'n van Wit-Rusland, oengeveer 100 kilometer van de grenze mè Rusland. 't Is d'n hoofdstad van d'n oblast Mogiljov mè 365.102 inweuners.

Dat artikel es geschreevn in 't Noordelik West-Vlams.

De stad is gesticht in 1267. Sedert de 13e êeuwe was Mogiljov dêel van 't Grôotvorst'ndom Litouwn en loater van 't Pools-Litouws Gemênebest. Achter d' êeste Poolsche dêlienge wierd de stad oenderdêel van 't Russisch Ryk. In de joarn 1915-1917, binst d'n Êeste Weireldoorloge, was Mogiljov 't hoofdkwartier van 't Russisch leger. In 1918 wierd de stad deur de Duutschers bezet en by de kortbestoande Wit-Russische Volksrepubliek (BNR) gevoegd. In 1919 wierd de stad bezet deur 't Rôod Leger van de Sovjet-Unie en by de Wit-Russische SSR gevoegd. In de Twèede Weireldoorloge was de stad tusschn 1941 en 1944 in hand'n van nazi-Duutsland.

Sedert da Wit-Rusland oenofhankelik is (1991), is Mogiljov êen van de belangrykste steed'n van 't land. Der zyn verschillige grôte stoalfabriek'n in de stad gebouwd en ook fabriek'n die otto's, kroann en tracteurs fabriceern. Der is e binnhoavn an d'n Dnjepr en e grôot vliëgpleing.

Ofbeeldiengn die ier by passn ku je vien in de categorie Mogilev van Wikimedia Commons.