Veugelbekbêeste

De veugelbekbêeste (Ornithorhynchus anatinus) is e zoogbêeste die gedêeltelik in 't woater leeft en die vôornkomt in Ôost-Austroalië en Tasmanië. 't Is d' ênigste sôorte van de familie veugelbekbêestn (Ornithorhynchidae) die nog in leevn is. 't Zyn wel nog ênigte fossiele sôortn bekend.

Dat artikel es geschreevn in 't Noordelik West-Vlams.

---

Veugelbekbêeste
Zwemmnde veugelbekbêeste
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Mammalia (Zoogbêestn) Orde: Monotremata (Cloacabêestn) Familie: Ornithorhynchidae (Veugelbekbêestn) Geslacht: Ornithorhynchus
Sôorte
Ornithorhynchus anatinus Shaw, 1799

T'hope met de miernegels (Tachyglossidae) moakn ze dêel uut van de cloacabêestn (Monotremata), d' ênigste orde van zoogbêestn die eiers legt.

De veugelbekbêeste hèt e gevoelige, eendachtige snoavel, die gebruukt wordt vo de jacht ip oengewervelde bêestjes ip de bodem van riviern en oendiepe meern. De neuzegoatn liggn an 't uutende van de snoavel. De bêeste hèt e platte steirt en e vacht die gin woater deure lat en die trekt ip de vacht van e mol. De korte pôotn mè zwemvliezn hèn vuuf têens. De zwemvliezn zyn 't grotst an de vôorpôotn en ze wordn noa van achtern geplooid on z' ip 't land loopn. D' achterpôotn hèn scherpe klauwers en e gifkliere by de vintjes.

• 
  Kop en snoavel van de veugelbekbêeste
• 
  Illustroasje deur John Lewin, 1808
• 
  Veugelbekbêeste in 't woater
• 
  Veugelbekbêestn leevn in hooln

Ofbeeldiengn die ier by passn ku je vien in de categorie Ornithorhynchus anatinus van Wikimedia Commons.