Peking

Peking of Beijing (Chinees: 北京; pinyin: Běijīng) is den hoofdstad van China. Van 't historisch China is 't sinds de stichtinge van de Qing-dynastie in 1644 den hoofdstad, allene nie tusschen 1928 en 1949, ton da Nanjing den hoofdstad was.

Peking 北京 Běijīng
Koarte
Land	China
Ippervlak:	16,410.54  km²
Inweuners:	21.893.095
Website	beijing.gov.cn

Peking is, t'hope me Luoyang, Nanjing en Xi'an, een van de vier historische hoofdsteden van China. Met e bevolkingsgetal van 21,9 miljoen (tellinge 2020) is 't een van de grotste steden van de weireld; in China is Shanghai wel grotter. Peking wordt gezien lik 't belangrykste centrum vo besteur, onderwys en kultuur. Derneffest is 't e belangryk knooppunt vor allerhande vervoermiddeln, me vele spoorwegen en snelwegen.

T'hope me Chongqing, Shanghai en Tianjin is Peking een van de vier Chineesche stadsprovinsjes die dezelfste stoatus hen lik e Chineesche provinsje. De stadsprovinsje Peking wordt helegans omringd deur de provinsje Hebei, behalve in 't zuudoostn, woar da Peking grenst an de stadsprovinsje Tianjin.