Vinpôtign

Vinpôtign (Pinnipedia) zyn e clade van zoogbêest'n van d' orde Carnivora (roofbêest'n), oenderorde Caniformia.

Dat artikel es geschreevn in 't Noordelik West-Vlams.

---

Vinpôtign
Taxonomische indêlienge
Ryk: Animalia (Bêest'n) Stamme: Chordata (Chordabêest'n) Klasse: Mammalia (Zoogbêest'n) Orde: Carnivora (Roofbêest'n) Ounderorde: Caniformia
Clade
Pinnipedia Illiger, 1811

Z' omvat'n drie bestoande families, de walrusn, de zêelêeuwachtign en de zêehoend'n, woaroender 34 bestoande sôort'n en mêer of 50 uutgestorvn sôort'n, beschreevn ip boasis van fossieln.

Vinpôtign hèn hunder hêlegans angepast an joagn in 't woater. Z' hèn korte pôot'n mè vinvormige uutend'n mè zwemvliëzn, die zowel kunn gebruukt word'n vo te zwemn of vo te loop'n. Ip land beweegn z' hunder deurgoans troage, moa deur hunder gestroomlynd lyf zyn ze styf beweeglik in 't woater. Deur e dikke vetloage word'n ze beschermd teegn de koede.

Vinpôtign komn vôorn langst de kust'n van de mêeste zêen en oceoann. Z' eet'n vis, wêekbêest'n en schoalbêest'n.

Families

• Odobenidae (walrusn): 1 overleevnde sôorte: de walrus (Odobenus rosmarus)
• Otariidae (zêelêeuwachtign): 7 geslacht'n, woaroender ook de zêebeirn
• Phocidae (zêehoend'n): 14 geslacht'n, woaroender ook de zêe-olifant'n

• 
  Austroalische zêelêeuw (Neophoca cinerea)
• 
  Walrus (Odobenus rosmarus)
• 
  Geweune zêehoend (Phoca vitulina)
• 
  Koppel zêe-olifant'n (Mirounga angustirostris)

Ofbeeldiengn die ier by passn ku je vien in de categorie Pinnipedia van Wikimedia Commons.