Planete

E planete is en hemellichoam die in e boane roend de Zunne of en andere sterre droait en die genoeg massa bezit vo deur zyn zwoartekracht e roende vorm te benoadern.

Dat artikel es geschreevn in 't Noordelik West-Vlams.

---

D' acht gekende planeetn van 't zunnestelsel: De terrestrische planeetn Mercurius, Venus, Eirde en Mars De reuzeplaneetn Jupiter en Saturnus (goazereuzn) Uranus en Neptunus (ysreuzn)

Vanof d' Eirde geziën beweegn planeetn elk ip hunder eign maniere langst d' hemelbolle en verplatsn hunder tusschn de sterrn. An da gedrag dankn planeetn hunder Grieksche noame zwerver. De noame is ofkomstig van 't Grieks πλανήτης (planētēs), da zelve komt van πλανὰομαι (planáomai), da roenddooln, roendzwervn wil zeggn.

Planeetn in 't zunnestelsel

't Zunnestelsel bevat acht planeetn:

1. Mercurius
2. Venus
3. Eirde
4. Mars
5. Jupiter
6. Saturnus
7. Uranus
8. Neptunus

Verre al de planeetn zyn vernoemd noa Romeinsche goodn. D' ênigste uytzoenderiengn zyn Uranus en d' Eirde.

E planete die roend en andere sterre of de Zunne wentelt, wordt en exoplanete genoemd. Solitaire planeetn hèn gèen sterre in d' omgevienge die hunder boane bepoalt. Ip basis van soamnstellienge kunn planeetn ingedêeld wordn in terrestrische planeetn, goazereuzn of ysreuzn.