Wasbeirachtign

De wasbeirachtign of klêene beirn (Procyonidae) vormn e familie van zoogbêest'n uut d' orde van de roofbêest'n (Carnivora). Al de sôort'n leevn van nateure ip 't Amerikoans continent. De familie omvat de wasbeirn, de kattefret'n, de neuzebeirn, de rolsteirtbeirn en de slankbeirn. Vodiën wierd ook de klêene panda toet de familie gereek'nd, moa vele weet'nschappers geevn hem 'n eign familie, klêene panda's (Ailuridae).

Dat artikel es geschreevn in 't Noordelik West-Vlams.

---

Wasbeirachtign
Taxonomische indêlienge
Ryk: Animalia (Bêest'n) Stamme: Chordata (Chordabêest'n) Klasse: Mammalia (Zoogbêest'n) Orde: Carnivora (Roofbêest'n) Ounderorde: Caniformia
Familie
Procyonidae Gray, 1825

Al de wasbeirachtign zyn relatief klêene bêest'n met e lank, slank lyf en e lange steirt. Ze zyn surtout actief by nachte. Hunder vôorpôot'n werk'n lik hand'n. Ze kunn der vanalles mee vastepak'n en der goëd mee klemn. 't Zyn alleseters en hunder tand'n zyn angepast an e verschilnd dieet.

Geslacht'n

• Bassaricyon (slankbeirn of olingo's): 4 sôort'n
• Bassariscus (kattefret'n): 2 sôort'n
• Nasua (neuzebeirn): 2 sôort'n
• Potos: 1 sôorte: Potos flavus (rolsteirtbeir of kinkajoe)
• Procyon (wasbeirn): 3 sôort'n

• 
  Gabbi's slankbeir (Bassaricyon gabbii)
• 
  Nôord-Amerikoansche kattefret (Bassariscus astutus)
• 
  Zuud-Amerikoansche of roste neuzebeir (Nasua nasua)
• 
  Rolsteirtbeir (Potos flavus)
• 
  Geweune wasbeir (Procyon lotor)

Ofbeeldiengn die ier by passn ku je vien in de categorie Procyonidae van Wikimedia Commons.