Raimbeaucourt

Raimbeaucourt es e gemêente in Vrankryk in't Noorderdepartement. 't Ligt hil in't zuud'n van Frans-Vloandern, mêer bepoald in't arroundissement Dowoai teegn 't schee'n mè Rysels-Vloandern. Raimbeaucourt ligt ôok an de schreve mè 't departement Nauw van Kales, wa in tydde 't schee'n wos tusschn Romoans-Vloandern en Artesië. 't Grenst an de gemêentn Faumont, Raches, Roost-Warendin, Leforest en Moncheaux.

Raimbeaucourt
Raimbeaucourt in't arroundissement Dowoai
Geografie
Regio	Hauts-de-France
Departement	Noorderdepartement
Arroundissement	Dowoai
Kanton	Ôorschie
Coördinoatn	50°26′NB 3°06′OL
Ippervlak	11,08 km²
Inweuners
Inweuners Bevolkiengsdichtheid	4002 (2017) 361 inw./km²
Andere
Burgemêester	Alain Mension
Postcode	59283
Webadres	Site van Raimbeaucourt

Raimbeaucourt es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt.

Beziensweirdigeedn

• De Sint-Gorikskerke uut de zestiende êeuwe
• 't Château de Ribeaucourt uut de zeevntiende-achttiende êeuwe geleeg'n ip 'n dubbele feodoale motte
• 't Château du Liez (ofte 't Centre Hélène Borel) mè en park en by-ôor'nde stalln mèd en torre

De Sint-Gorikskerke van Raimbeaucourt

Ofbeeldiengn die ier by passn ku je vien in de categorie Raimbeaucourt van Wikimedia Commons.