Retranchement

Retranchement (Zêeuws: Truzement) is e plekke in de gemêente Sluus in 't westn van Zêeuws-Vloandern tusschn Knokke-Heist (België) en Cadzand (Holland). 't Dorp telt 275 inweuners (2023).

Retranchement
Retranchement in de gemêente Sluus
Provinsje	Zêeland
Gemêente	Sluus
Coördinoatn	51°20′NB 3°23′OL
Ippervlak	km²
Inweuners	275 (2023)
Gemêente Sluus in Zêeuws-Vloandern

Retranchement is 't Frans woord vor e walle, e sôorte vestienge.

• 
  Meuln van Retranchement
• 
  Kerke in de Dorpsstroate

Historie

't Omwald dorp Retranchement is en overbluufsel van e veel grodder gehêel van versterkiengn die diendn vo de koaie van 't Zwin te beschermn.

Da gehêel bestound uut Retranchement Cadsandria mè Fort Oranje in 't nôordn en Fort Nassau in 't zuudn, ip 1 km ofstand van mekoar geleegn en gebouwd round 1621. Van 1630 tout 1640 is tusschn de twi fortn d' omwallienge met drie bastiongs angeleid die 't dorp Retranchement nu nog omsluut. Vroeger woarn der an de landkant twi pôortn: de Zandpoorte en de Slykpoorte, die nu nie mè bestoan.

By de stormvloed van 1682 zakteg' e dêel van 't Fort Oranje weg in 't Zwin en z' hen ton e dam angeleid vo de verdedigiengswerkn tusschn de twi fortn teegn de zêe te beschermn.

Tout 1970 was Retranchement e zelfstandige gemêente en is ton by de gemêente Sluus gevoegd. Van 1995 tout 2003 kwam 't by Sluus-Eirdnburg en doarachter by de gemêente Sluus van nu.

Beziensweirdigheedn

• De Walln van Retranchement vormen e nateurgebied met e wandelroute van ca. vier-en-halve kilometer.
• Hervormd zoalkerksje uut 1630.
• De Meuln van Retranchement uut 1643
• Den Drielienk van Retranchement, drie grenspoaln met dezelfste numero 364.
• De gemêenteschole d' ouwe schole, e ryksmonument.

D'ouwe schole

Externe koppeliengn

• Plaatsengids
• AlleCijfers

Ofbeeldiengn die ier by passn ku je vien in de categorie Retranchement van Wikimedia Commons.