Schosneere

E sesnêle of schossenêle is e groensel da in den êesten elft van 'n vôrige eeuw redelik algemêen wos. De bynoame is winterasperge of armeluzeasperge.

Sesnêle
Sesnêeln ip e tallôre
Taxonomische indêlienge
Ryk: Plantae (Plantn) Ounderryk: Embryophyta (Lanplantn) Stamme: Magnoliophyta (Bedektzoadign) Klasse: Magnoliopsida (Twizoadlobbign) Orde: Asterales Familie: Asteraceae (Asterachtign) Geslacht: Scorzonera
Sôorte
Scorzonera hispanica L., 1753

't Trekt ip een asperge moa der zit e zwarte schelle round. Die pele makt da j' der zwart' and'n van krygt. 't Is vele werk voe da der of te doen.

A ze gescheld zyn, moe je z'in stikskes snyen van 2 toe 4 centimeter. Toen kok je ze met e scheutje azyn omda ze schône blêek zoen bluuvn en ton moe je z'ofwerk'n met e bechamelsause.

Vô de verskillende noamen van de schossenêle in de Vlamse streekdialecten, zie in Typische_West-Vlamsche_woordn. In Vrankryk klappn ze van salsifis.

Inhoudstoffn

De voediengsweirde van 100 gram vesche schossenêeln is:

Energetische weirde	69 kcal / 289 kJ
Koolhydroatn	12,5 gram
Eiwit	1,5 gram
Vet	0,5 gram
Vitamine C	5 mg
Vitamine B1	0,05 mg
Vitamine B2	0,02 mg
Kalium	400 mg
Calcium	60 mg
Yzer	1,5 mg

Têelt

Schossenêeln word'n ip zandground ter plekke gezoaid tussn olf april en begun meie. A ze te vroeg gezoaid zyn, kunn'n de plantn goan bloein, moa de wortels bluuvn wel eetboar. Den afstand tussn de reek'n is 20 toe 25 cm, en in de reke tussn 7 toet 8 cm. Ze kunn'n uutgedoan word'n vanaf 't ende van oktober. De wortels kunn'n teegn de winter, en kunn'n hêel de winter uutgedoan word'n, voe zolange of dat de ground nie bevroorn es. De wortels kunn'n toe 50 cm lange word'n. Voe z'uut te doen met d'and, moe j' met e spa langs de wortels e diepe gerre delven, en ton kun je z'uut de ground oalen.

Schossenêeln zyn dus êen van de zeldzoame groensels da je deur de winter kud eetn.

Ofbeeldiengn die ier by passn ku je vien in de categorie Scorzonera hispanica van Wikimedia Commons.