Schotland
From Wikipedia, the free encyclopedia
Remove ads
Schotland (Iengels en Schots: Scotland, Schots-Gaelisch: Alba) is e vroeger keunienkryk. T'ope mi Iengeland, Nôord-Ierland en Wales is 't de stoat Verênigd Keunienkryk. Schotland e wel een eigen vlagge, eigen geldbrieftjes, en een eigen besteur - moar op internationaal vlak speelt ollêne 't Verênigd Keunienkryk e rolle. In Schotland weun d'r mêer of 5,1 miljoen menschen.
Schotland omvat 't nôordelik derde van 't eiland Grôot-Brittannië en 't grenst in 't zuudn an Iengeland. In 't ôostn ligt de Nôordzêe, in 't nôordn en 't westn den Atlantischn Oceoan en in 't zuudwestn 't Nôordkanoal en d' Iersche Zêe. Neffest 't vasteland bestoat Schotland uut mêer of 790 eilandn, die in vier hoofdgroepn wordn ounderverdêeld: de Shetlandeilandn, de Orkney-eilandn, de Binn-en de Buutn-Hebriedn.
Edingburgh is 'n hoofdstad en twidde grotste stad van Schotland achter Glasgow.
Remove ads
Toale
Bykan ol de Schottn klappn Iengels. Toch klappn d'r ouk vele menschen e vorme van 't Lêegland-Schots, wuk dat eigentlik e verzoamelienge dialectn is. 't Is e Germoansche toale die familie is van 't Iengels, moa d'r toch styf van verschilt in wôordnschat en uutsproake. En om en by de 60.000 menschen, surtout dedie van de westelike eilann, klappn Schots Gaelic.
Grôte steedn
De tien grotste steedn in Schotland zyn:
Remove ads
Typisch Schots
Schotland is bekend vo zyn whisky, 't monster van Loch Ness, haggis (de moage van e schoap, evuld mi vlêes), ze clans (families met e lange tradisje), Highland games, en klêderdracht (ventn droagn d'r soms e rok da ze kilt noemn) en doedelzakn.
Loch Ness en Urquhart Castle 
Eilean Donan Castle 
Parade in Aberlour 
E poar sôortn whisky va Schotland
Bekende Schottn
- Tony Blair: polletieker
- Gordon Brown: polletieker
- Robert Burns: dichter
- Jim Clark: Formule 1-coureur
- Sean Connery: acteur
- David Coulthard: Formule 1-piloot
- Mark Knopfler: zanger van de Dire Straits
- David Livingstone: ontdekkiengsreiziger
- Gordon Ramsay: topkok
- Adam Smith: econoom en 'uutvinder' van de moderne economie
- Jackie Stewart: Formule 1-coureur
- Rod Stewart: rockzanger
- James Watt: uutviender van de moderne stoommachine
 |
Ofbeeldiengn die ier by passn ku je vien in de categorie Scotland van Wikimedia Commons. |
Remove ads
Externe koppelienge
- Visit Scotland 'n Dienst van toerisme van Schotland.
Wikiwand - on
Seamless Wikipedia browsing. On steroids.
Remove ads