Skagerrak

't Skagerrak es e zêestroate geleegn tusschn den zuudôostkust van Nôorweegn, 't Deensche Jutland en Bohuslän in Zweedn die en ippervlakte eit van apeupri 33.600 vierkante kilomèiters. 't Skagerrak makt dêel uut van de verbindienge tusschn den Nôordzêe en den Ôostzêe, die lôopt deur 't Skagerrak, 't Kattegat en de Sont, den Grôotn Belt en den Kleen'n Belt. De noame Skagerrak komt van 't Deensche vissersdorpke Skagen, wa geleegn es by de plekke woar 't Skagerrak 'tôopekomt me 't Kattegat (vlakby Grenen, 't nôordelykste punt van Denemarkn).

Lokoasje van't Skagerrak binn'n Europa

Cargoschip ip't Skagerrak

Ip den Nôordzêe ter ôogte van't Skagerrak wierd bist 'n Êestn Weireldoorloge ip 31 meie 1916 nen zêeslag uutgevochtn tusschn d'Iengelsche en de Duutsche die ze de Zêeslag by Jutland noem'n.

Ofbeeldiengn die ier by passn ku je vien in de categorie Skagerrak van Wikimedia Commons.