Solnhofen
From Wikipedia, the free encyclopedia
Remove ads
Solnhofen is een gemêente in de Duutse streke Weißenburg-Gunzenhausen in Beiern.
De streke is beroemd voar zyn fynkorrelig sôorte kolkstêen van de Jurassische periode die volgenst under kwaliteit gebruukt wordn as dakpann'n of as lithogroafische ploatn.
De zelste kolkstêen hèt ook zeldzoame fossieln van hoge kwaliteit, omdan ze dikwils details toogn die anders nie te zien zyn, of omdan ze overbluufsels van bêestn gelik kwalln bevattn die anders mêestol nie fossiliseern. Da komt omdat de kolkstêen van de streke hem as een concentroatieLagerstätte in een lagune gevormd hèt woardat er te winnig zeurstoffe in zaat vô bêestn in leevn t' houdn.
't Beroemdste sôorte fossiel is Archaeopteryx lithographica, azô genoemd omdat ol de bekende fossieln van die veugel uut de lithogroafische kolkstêengroevn van de streke round Solnhofen kommn.
't Bürgermeister Müllermuseum in de stad toogt de geschiedenisse van 't lithogroafisch proces en de groevn woadan z' uutkwaamn, t' hope mè een antal van de fossieln uut de streke woarounder êen exemploar van Archaeopteryx. De stad hèt ook nog een standbêeld van Alois Senefelder, den uutviender van 't lithogroafisch proces.
 |
Ofbeeldiengn die ier by passn ku je vien in de categorie Solnhofen van Wikimedia Commons. |
Remove ads
Wikiwand - on
Seamless Wikipedia browsing. On steroids.
Remove ads