Veere (gemêente)

Veere es en Ollandsche gemêente in de provinsje Zêeland. De gemêente bestoat uut teffrente stadjes en dorpkes en es genoemd nor 't stadje Veere, mo 't staduus stoat eigntlyk in Domburg. Der weunn oungeveer 22.000 menschn (2023).

Veere
Woapn	Vlagge
Liggienge van de gemêente
Koarte van de gemêente
Liggienge
Provinsje	Zêeland
Coördinoatn	51°33′NB 3°32′OL
Ippervlak	206,55 km²
Woarvan land	132,99 km²
Woarvan woater	73,56 km²
Inweuners
Inweuners Bevolkiengsdichtheid	22.045 (2023) 166 inw./km² (land)
Mêer info
Hoofdplekke	Domburg
Burgemêester	Frederiek Schouwenaar (VVD)
Postcode	4351-4374
Website	www.veere.nl
{{{foto}}} {{{byschrift}}}

't Groundgebied besloat e grôot stik van't vroeger eyland Walchern en ôok 't vroeger werkeyland Neeltje Jans in d'Ôosterschelde ôort by de gemêente. Round Veere liggn de gemêentn Vlissiengn, Middelburg en Nôord-Beveland. Vodder van de rest es Veere oumgeevn deur woater: in't westn en nôordn deur de Nôordzêe en in't nôordwestn deur 't Veerse Meer.

Weungebied'n

De gemêente Veere bestoat uut dertien weunkern'n. 't Oantal inweuners stoat erby vermeld van ip 1 januoari 2023:^[1]

Koukerke 3465 Westkapelle 2630 Ôostkapelle 2305 Strôoskerke 1870 Domburg 1710 Veere 1640 Zoutelande 1630

Oagtekerke 1465 Meliskerke 1465 Griepskerke 1430 Vrouwnpolder 1055 Biggekerke 865 Goapienge 520

In de gemêente liggn ôok nog de wykn en gehuchtjes Buttienge, Buuskerke, Disoek, Geldtiend'n, Grôot Valkenisse, Klêen Valkenisse, Kromm'noeke, Mariekerke, Meulnperk, Môlembee, Ôogelande, Pitteperk, Popp'ndamme, Poppekerke, Sint-Jan t'n Êere, Sint-Janskerke, Snabbeldorp en Weerndyke.

Vodder van de rest ligt by 't stadje Veere ôok nog de plekke Zanddyk, die pertank eigntlyk gin weungebied ip zyn eign es mor ne randwyk van Veere, en de villawyk Buut'n de Veste.

Geschiedenisse

Tsedert 1811 wos ter ol e gemêente Veere, die ôosprounkelyk bestound uut 't stadje stadje Veere en Zanddyk. By de gemêentelyke erindêelienge van 1 juli 1966 wierdn Strôoskerke en Vrouwnpolder by Veere gesmeetn. Vanof 1 januoari 1997 wierd deur't tôopebriegn mè de gemêentn Domburg, Mariekerke, Valkenisse en Westkapelle d'huudige gemêente Veere gevormd.