Vlamsche Gemêenschap

De Vlamsche Gemêenschap is de gemêenschap van Vloamiengn en e besteursniveau in België.

Vlamsche Gemêenschap (Vlaamse Gemeenschap)
Vlamsche Gemêenschap in België
Geografie
Hoofdstad	Brussel
Ippervlak	13.787,96 [1] km²
Bevolkienge
Inweuners Bevolkiengsdichtheid	7.060.457 (1 januoari 2024) [2] 512 inw./km²
Toaln	Nederlands
Politiek
Minister-president	Jan Jambon (N-VA)
Coaliesje
Mêer info
Volkslied	De Vlamsche Lêeuw
Fêestdag	11 juli
Website	www.vlaanderen.be
{{{foto}}} {{{byschrift}}}

't Begrip Vlamsche Gemêenschap hèt twêe verschillige, moa verwante betêkenissn:

1. Moatschappelik (sociaal, polletiek, cultureel) is 't de groep of gemêenschap van de Vloamiengn in België. Da zyn d' inweuners van 't Vlams Gewest en van 't Brussels Hoofdstedelik Gewest die Nederlandstoalig zyn en die van hunder eign viendn dan ze Vloamiengn zyn.
2. Institutioneel is 't êen van d' instelliengen in België, bevoegd in 't Nederlands toalgebied en 't twêetoalig gebied Brussel.

Geschiedenisse

Vloandern besliste in 1980 van de Vlamsche Gemêenschap en 't Vlams Gewest t'hope te voegn. Doarom ist er nu e Vlams Parlement en e Vlamsche Regerienge. De gemêenschapsbevoegdheedn, lik ounderwys, cultuur, toale en welzyn, zyn nu overgedreegn an de bevoegde ministers van de Vlamsche dêelregerienge.

Toale

D' officiële toale, in besteur en administroasje, is 't Nederlands. In 't Brussels Hoofdstedelijk Gewest en in de federoale administroasje wordt die stoatus gedêeld mè 't Frans. De toalfaciliteitn in sommigte Vlamsche gemêentn an de grenze mè 't Woals en 't Brussels gewest, loatn e beperkt gebruuk van 't Frans toe in lokoale openboare dienstn.