Vloerbeke

Vloerbeke (Frans: Fleurbaix, Nederlands: Vloerbeek) es e gemêente in Vrankryk in't departement Nauw van Kales. 't Grenst an de gemêentn Erkegem an de Leie, Bois-Grenier, Le Maisnil, Fromelles, Aubers, Wentie en Sailly an de Leie. Vloerbeke ligt in't Leiedal, teegn de schreve me 't Noorderdepartement. In tydde lag Vloerbeke ip't schee'n tusschn Romoans-Vloandern en Artesië, mêer bepoald in't Land van't Vrylêen.

Vloerbeke Fleurbaix
Vloerbeke in 't arroundissement Bethune
Geografie
Regio	Hauts-de-France
Departement	Nauw van Kales
Arroundissement	Bethune
Kanton	Beuvry
Coördinoatn	50°39′NB 2°50′OL
Ippervlak	12,86 km²
Inweuners
Inweuners Bevolkiengsdichtheid	2685 (2016) 209 inw./km²
Andere
Burgemêester	Joseph Catteau
Postcode	62840
Webadres	Site van Vloerbeke

Geschiedenisse

d' Oudste vermeldiengn van de plekke zyn Florbais en Florebais uut den elfdn êeuwe, afkomstig van't Oudnederlandsche Fluorbeki, uit fluor (vloer, vlak land) en beki (beke).

An de zuudkant van Vloerbeke wierd in de zeevntiende êeuwe e kartuuzerklôostre gebouwd, de Chartreuse de La Boutillerie. Den bouw begoest in 1618 en in 1641 wierd et in gebruuk genoomn. Achter de Fransche Revoluusje wierd et ofgebrookn.

In den Êestn Weireldoorloge lag 't dorptje vlakkenby 't frount. Vloerbeke lag voe 't grôotste gedêelte van den oorloge in g'allieerd gebied, juust achter 't frount. Achter den oorloge wierd et dorp hillegansn eripgebouwd.

Beziensweirdigeedn

• De Notre-Dame du Joyel-kerke
• In de gemêente zyn der teffrente militaire begroafplekkn, surtout uut den Êestn Weireldoorloge:
  • Le Trou Aid Post Cemetery
  • Rue-David Military Cemetery
  • Rue-du-Bois Military Cemetery
  • Rue-Petillon Military Cemetery

De Notre-Dame du Joyel-kerke

Ofbeeldiengn die ier by passn ku je vien in de categorie Fleurbaix van Wikimedia Commons.