Woaregem - Wikiwand

De stad Woaregem (officieel Nederlands: Waregem) es ne stad in 't zooidooëstn van West-Vloandren. 't Es de vaaifde grooëtsten van de provinsie en ee iets van e goe 40.000 inweuners. De dieëlgemieëntn zijn sedert 1977 Beevren-Leie, Desselgem en Sent-Eloeis-Vaaive.

Dit artikel es geschreevn in 't Woaregems, en da zou best ozô bluuvn.

Meer informatie Stad Woaregem, Geografie ...

Stad Woaregem

Liggienge binn het arroundissement Kortryk in de provinsie West-Vloandern
Geografie
Gewest	Vloandern
Provincie	West-Vloandern
Arroundissement	Kortryk
Liggienge	{{{nb}}} NB {{{ol}}} OL
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	44,34 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	38.125 (01/01/2018) 49,28% 50,72% 859,83 inw./km²
Leeftydsipbouw 0–17 joar 18–64 joar 65 joar en ouder	(01/01/2013) 19,93% 62,69% 17,38%
Buutnlanders	5,14% (01/01/2018)
Weirklôoseidsgroad	3,94% (01/10/2018)
Polletiek
Burgemêester	Kristof Chanterie
Coaliesje	CD&V
Zetels CD&V N-VA Vlaams Belang Groen Team Waregem	33 (2024-2030) 18 6 4 3 2
Dêelgemêentn me postcode
Postcode	Dêelgemêente
8790 8791 8792 8793	Waregem Beevern-Leie Desselgem Sent-Eloeis-Vaaive
And're info
Zonenummer	056
Poliesjezone	{{{polz}}}
Webadres	www.waregem.be

Sluiten

Den burgemieëstre ès Kristof Chanterie van de CD&V. Woaregem es economisch ne groei'nde regio, mee un grooët winkelcentrum: 't Pand.

Geskied'nisse

Tot veur 1977 woa Woaregem allieëne moar wa da nui de uuëfdgemieënte es. D'andre kirnen, Beevren-Leie, Desselgem en Sent-Eloeis-Vaaive, woar'n aparte gemieënt'n. Den ieëstn jannewoarie 1977, bij de gemieëntelukke èrindieëlinge, zijn die gemieënt'n gefuzioneerd bij de nieuwe grooëte gemieënte Woaregem. Der wierd un nieuw woapenskild an'enoomn. Den 23sten juunie 1999 es in 't Belgisch feederool parlement de wet vur de toekenninge van de stadstietle an de gemieënte Woaregem goe'ekeurd. Doardeure ma Woaregem vanof den ieëstn jannewoarie 2000 offiesjieël stad genomd werr'n.

Kirn'n

Thumb — Luchtfoto van Woaregem vanooyt ne vliegre

De grooëtste kirn in Woaregem es d'uuëfdgemieënte Woaregem zelve, mee mieër of 20.000 inweuners. Ten noordwest'n van diene stadskirn liggn de dieëlgemieëntn Beevren-Leie, Desselgem (olletwieë mieër of 5.000 inweuners) en Sent-Eloeis-Vaaive (abaai 4.000 inweuners) langst de Leie. De greinzn van de stad bestoan doar no ooyt 't oude kronklende trajèct van de Leie, van veur dat 't woa rechte etrokkn. De bebouwinge van Woaregem en Sent-Eloeis-Vijve es zo goed of ieën gehieël gekomn deur nieuwe weunwijkn en industrieterrein'n, en oek de kirnen van Desselgem en Beevren-Leie zijn noar mallekoar toe egroeid. Ip 't grondgebied van Woaregem, langst de boane noar Dèirluk en langst de boane noar Ter Vicht'n, ligt er un reedeluk grooët gehucht, Nieuwenhove. Nieuwenhove vormt no nen aparte kirn, ol es 't deur de lintbebouwinge verbondn mee 't gehucht de Meulenouwk van Dèirluk.

Sent-Eloeis-Vijve en Desselgem zijn olletwieë egroeid ip 'n plekke woar da de Leie koste over'estookn werr'n. Der es doarbij un typisch patrooën van twieëlingdorpn (langst weerskantn van de Leie iéën) ontstoan: Desselgem ligt epoard mee Oeigem en Sent-Eloeis-Vaaive mee Sente-Boafs.

Den uuëfdkirn Woaregem ee vooërts nog verskill'nde wijk'n. De wijk'n 't Gaverke en de Biest èn ulder ei'en afzonderlukke parochie. De parochie Heilige Familie van 't Gaverke is ip'ericht in 1941, de parochie Sint-Jozef van de Biest in 1966. D'oude p'rochie van 't stadscentrum es enomd noar Sint-Amandus. Ol de kirn'n in de stad zin staaif versteedelukt. Der es nog open ruimte flakbij de vallei van de Leie, in 't ooyterste nooërd'n, en in gebied'n rond Nieuwenhove.

Beziensweirdigheedn

Bouwkundig irfgoed in Woaregem

Amerikoans militair kirkhof Flanders Field
Kastieël Casier
Goed te Nieuwenhove

Verkieër

Woaregem ligt ip den asse van Kortrijk noar Gent. Dienen asse werdt etypeerd deur de rivier de Leie, de spoorwig Gent-Kortrijk (stoasie in Woaregem), d'otostrade A14/E17 en den oudere stieënweg N43 tuss'n die twieë grooëtre stee'n, die Woaregem deuresnaai'n van zooydwest noar nooërdooëst.

Sport

Voetbolclub RC Woaregem (de Rassink)
Voetbolclub SV Zulte Waregem (den Essevee)

Attraksies

't Bekenste wat dat er in Woaregem gebeurt, es de joarlaaikse Woaregem Koerse; da zijn pèirdekoers'n in de loatste weeke van oguustuus, ei'enluk ip den ieëst'n deisnda achter de loatste zonda van oguustuus. Dus 't kan oek ol begun september zin. Woaregem es oek de gaststad van Twis deur Vloandern, een West-Vlomse wielerkoerse in 't veurjoar.

Toale

Aloewel da Woaregem in West-Vloadren ligt, klappn ze doar 'n dialect da stirk ip 't Ooëst-Vloms trekt. De diftongn ij en ui klinkn doar link aai en ooi', link in Ooëst-Vloandren, en nie link ie en uu link in de mieëste andre West-Vlomse dialect'n. Daarenboven klinkn broek, doek en koek doar link un brouwk, nen douwk en ne kouwke. Dus tee'n kikn (kijken) ze(g)'n ze "kaijkn" en tee'n uus (huis) ze(g)'n ze "oys" bijv.

Ofbeeldiengn die ier by passn ku je vien in de categorie Waregem van Wikimedia Commons.

Meer informatie Provinsje West-Vloandern ...

Provinsje West-Vloandern

België | Provinsjes

Sluiten

Loading related searches...

Wikiwand - on

Seamless Wikipedia browsing. On steroids.