Elysium (fime)

Elysium (ratournåve e walon «Lecciniom»)^[1], c' est on fime di syince-ficcion, prodût et fwait pa Neill Blomkamp, k' a vudî e 2013.

Matî, li sorero

Sinnario

Nos estans e 2154, a Los Angeles. Gn a télmint des djins sol Daegne, k' i sont-st oblidjî di basti des cahoutes so des rahåsses tot ådzeu des screpe-cir. Les teryins ki l' tinént bén ont basti ene nouzome cir-sitåcion k' on avind pa cir-naivete e 13 munutes (c' est çoula, «Lecciziom»).

Li mwaisse ero, c' est Matî Damon, onk k' a stî hapeu d' otos, mins ki s' a rpinti.

I rtrouve d' astcheyance si mayon d' djonnesse k' a ene feye ki va mori d' on magnant må do sonk. Mins lu-minme a èn accidint a l' ovraedje. Il est rayi di touwants rais, et il est condåné. I doet mori dins les 4 djoûs.

Djudjmint sol fime

Les fwaitindjes da Matî Damon sont ene miete carabistouyreces. I pite dins les rîles, po mori totes les dijh munutes, et po fini, i schape tot l’ monde.

Les paskeyes des robots et totafwait ki spite e l’ air, c' est eto ene miete saetchî pås aburtales.

Poy, c' est todi l’ minme siplaca : èn ome k’ est l’ mwaisse, et s' vat i rscheure ene ptite laide flåwe fråjhûle comere, avou, on pôve laid tinrûle efant.^[2]

Sourdants

1. a pårti do mot walon «leccion»
2. Nicolas Staelens & Georges Sfasie, Li Rantoele 67, waeyén-tins 2013