Divize (fôrmule di djhaedje)

Ene divize, c' est ene coûte fråze ki mostere l' idêye d' ene djin, d' ene contrêye, d' on payis.

Pol discramiaedje des årtikes avou l' mot « divize », loukîz cial.

Po des linwincieusès racsegnes sol mot "divize", alez s' vey sol Wiccionaire

Rilomêyès dvizes

Walon, todi!

«Walon, todi!», c' esteut aprume li dvize do Club walon d' Måmdey, motoit askepeye pi Nicolas Pietkin. ^{(a-z aveuri)}

A divnou l' divize del Walonreye li 15 di djulete 1998 (decidaedje do Pårlumint walon). ^{(a-z aveuri)}

l' union fwait l' foice

«l' union fwait l' foice» (francès «l'union fait la force», neyerlandès «eendracht maakt macht»), c' est l' divize del Beldjike, dandjreus edvintêye e 1830, cwand les Walons et les Flaminds s' metît eshonne disconte li redjime holandès.