Forveyou payis

Provnance des nos d' forveyous nos d' plaece

Les nos d' forveyous payis sont ddja dins l' lingaedje dispu todi, udonbén k' i sont-st edvintés pa les scrijheus, po fé mådjiner des plaeces ås floricontes, u po xhiner des viyaedjes erirés.

Li rireye des ptits viyaedjes, si rtrouve eto dins des fotantès tchansons come les vepes di Glaireuse, u dins les spots a vey avou l' cafè.

Li minme toû egzistêye eto avou les nos d' djins.

Sacwants nos walons u askepyîs pa des Walons po des viyaedjes et payis ki n' egzistèt nén

e vî lingaedje

Halbeskeute : payis ki tot est bea, la k' on loye les tchéns avou des såçusses. Li mot a stî rilevé dins l' Motî del Hesbaye.
Xhoutsiplou : viyaedje k' egzistêye podbon (end a sacwants), mins metou po on viyaedje do dbout do monde, k' on n' sait nén djusse wice ki c' est.

askepyîs pa des scrijheus e walon

Banesårt (ban e sårt) et l' Basse-Brå, la ki l' accion di Li batreye des cwate vints (Lucyin Mahin) si passe.
Bichassart (Bixhasårt), on viyaedje des scrijhaedjes da Mimile Petcheur.
Foufgniye, Foufgniye-les-berdouyes ^{aschoûtez lu} (eto:Fougnî-les-Berdouyes) : viyaedje po rire (tite d' ene pîce di teyåte).
Lene, li viyaedje da Djustin dins So l' anuti (Laurent Hendschel).
Otiamont, viyaedje del Walonreye, la ki l' accion di On byin bråve ome (Chantal Denis) si passe.
Ras Al Katbras, li no di l' emirat arabe di On cokea å solea ([[tecses da Jean Goffart), ki vént dandjreus des "Cwate bresse", ene croejhlåde di Fleuru.
Rodjimont, po sacwants romans da Emile Gilliard (Les djoûs racourtixhnut, On vî fizik eruni, So les trîs des Goletes, et sacwants ôtes noveles.

askepyîs pa des scrijheus del Walonreye

dins des bindes d' imådjes
- Hergé dins Tintin.a bråmint edvintés des forveyous payis, come Molénsårt (Moulinsart), li tchestea do Captinne Hadok, ki sereut bén ene sadju e Roman Payis. Foû del Beldjike, gn a l' Sildaveye (k' el manoye, c' est les kôrs (les cwårs) eyet l' Boirdureye (Syldavie, Bordurie), ki c' est seur des payis d' l' Urope Levantrece
dins des romans
- Arthur Masson a fwait viker les persounaedjes di ses romans "Twinne" a Trignole, on forveyou viyaedje fwait di l' aplacaedje di deus ôtes viyaedjes, Tregne et Matignole.
Walatlande: on vî payis imådjiné pa José Schoovaerts dins ene binde d' imådjes parexhowe dins l' gazete «Li Rantoele».

Remove ads

Sacwants nos di payis ki n' egzistèt nén dins des ôtes lingaedjes

arabe : sind ou l' hind (kécfeye po li Chine et l' Inde), payis d' å lon dins les floricontes.
- arabe marokin : jazilat Chakerbakerban (tite d' on fime, iye avou on no po rire, ki rapinse leban (bourté).
francès : Pays de Cocagne, come li Halbeskeute e walon; Trifouilly-les-Oies, come Foufgniye-les-Berdouyes u Xhoutsiplou e walon.
- francès d' Walonreye :
  - Houtsiplou : minme sinse k' e walon.
inglès : Utopia, forveyou payis edvinté på scrijheu Thomas Moore
grek, et ôtes lingaedjes di l' Urope : Atlandide.