Henri Forir

Henri Forir a skepyî li 20^[1] u l' 21 di nôvimbe^[2] 1784 ey a morou li 11 d' avri 1862.

Henri Forir

Portrait da Henri Forir (litografeye da Florimond Van Loo)

Skepiaedje	20 di nôvimbe 1784, Hesta
Moirt	11 d' avri 1862, Lidje
Activités	scrijheu

WIKIDATA

Ci fourit on scrijheu e walon eyet diccionairî.

Il esteut djeyomete di s' mestî.

Ouve e walon et sol walon

I ramexhna des mots walons dispu 1820, mins si mwaisse ouve, li Dictionnaire liégeois-français n' a parexhou k' après s' moirt, e deus gros lives, e 1866 et 1874. Il î rprind des mots et des fråzes di tos les tchamps del vicåreye, et nén fok li "lingaedje des ptitès djins".

Come sicrijheu, i fourit rlomé long et lådje avou ene paskeye sol mariaedje, a môde di dvinltins, “Li ctapé manaedje” k' a moussî foû e 1836.

Diviè 1845, il fwait rexhe li ramexhnêye di paskeyes et di tchansons Blouwett lîgeoiss.

I scrijha eto del prôze nén racontrece, “So les bassès scoles do vî tins”, eplaideye dins onk des prumîs bulténs del Société Liégeoise de Littérature Wallonne.

Prezidint del minme S.L.L.W. e 1856, i leya ouve, pask' on n' esteut nén d' acoird avou si sistinme d' ôrtografeye, lon erî del cene do francès.